Йилнинг биринчи ярмида божхона қонунчилигидаги янгиликлар
Божхона брокерлари уюшмаси «Божхона қонунчилигидаги янгиликлар. ТИФнинг муаммоли масалалари» мавзусида навбатдаги давра суҳбатини ўтказди. Унда ББУ аъзолари, давлат органлари ва бизнес вакиллари иштирок этдилар. Тадбир анъанага кўра гибрид форматда ўтказилди, бунда республика ҳудудларидан тадбиркорлик вакилларининг нафақат бевосита, балки масофавий иштирок этиш имконияти ҳам мавжуд бўлди. Йиғилиш божхона соҳаси ва ТИФдаги қонунчилик янгиликларини кўриб чиқишга бағишланди. Мавзу долзарб бўлгани учун муҳокама фаол кечди. Шунингдек иштирокчилар «Ўзбекэкспертиза» АЖ мутахассисларининг ўзларидан махсус саволларга тўғридан-тўғри жавоб олиш имкониятига эга бўлдилар.