«Массивингиздан чиқиб кетишимизга ёрдам беринг!» Қурувчи уй аҳлидан ёрдам сўраяптими?
Пойтахтнинг Учтепа туманидаги 11-мавзенинг яшил зонасида бироз ҳукм сурган сокинликдан кейин қурувчилар яна фаоллашдилар. Уч қаватли уйда яшовчиларнинг деразалари тагида тиббий марказ қурмоқчи бўлишяпти. 11, 12, 13 ва 14-уйларда яшовчилар бунга қаршилар. Улар бирлашиб ҳаракат қилишмоқда. Ўтган йили қурилишни бошлашга йўл қўйишмади. Ҳозир улар ҳудудни ўраб олмоқчи бўлган қурувчиларни тўхтатиб қолишди. Қўшнилар қонунлар билан кафолатланган ҳуқуқларини ҳимоя қилишмоқда.