Қаердан топиш мумкин ва қандай ҳаракат қилинади...

Турмуш ўртоғим ёшга доир пенсияни расмийлаштирмоқчи. Қандай ҳужжатлар керак бўлишини билиш учун Пенсия жамғармаси бўлимига ҳам борди, инспектор унга 1986 йилдан бошлаб бутун стажи электрон тарзда киритилган бўлиши лозим деб айтган. Мен 2005 йилдан бошлаб шундай қилинишини, бу давргача бўлган стаж архивдан маълумотномалар сўралмасдан меҳнат дафтарчаси бўйича ҳисобланишини ўқиган эдим. Бундай вазиятда нима қилиш керак? Яна бир савол: агар у 2006 йилдан буён ишлаган корхонаси тугатилган ва маълумотлар киритилмаган бўлса, уларни қаердан излаш керак ва қандай ҳаракат қилиш лозим? * * * Пенсияни расмийлаштириш учун 2005 йилдан кейинги иш стажини қаерда ва қандай текшириб кўриш мумкин? * * * Менинг 1986–1994 йиллардаги меҳнат стажимни базага киритишмаган экан. Меҳнат стажини базага қаерда киритиш мумкин?