Турар жойлардаги мозаика ҳимоя остида

Пойтахтда бинолардаги мозаика композицияларини тўсиб қўяётган реклама баннерларини демонтаж қилиш бошланди. Турар жой бинолари ва бошқа объектлар фасадларидаги мозаикаларни ҳимоя қилишга фуқаролар ҳам қўшилишлари мумкин. Ўзбекистон маданият ва санъатни ривожлантириш жамғармаси мозаикалар маданий мерослар рўйхатига киритилиши ҳақида маълум қилди. У жамоатчиликни ҳимояга, сақлаб қолишга муҳтож бўлган ва қўшимча назорат талаб этиладиган мозаика композициялари жойлашган жой ҳақида хабар беришга чақирди. Сурат ва локацияни mosaic@acdf.uz почтасига юбориш мумкин.