БЮД қайта расмийлаштирилиши имтиёзларга таъсир кўрсатмайди

Импорт бўйича ускуна келиб тушди. БЮД ИМ-40 режими бўйича. БЮДнинг «Қабул қилувчи» деб номланган 8-графасида «Х» компания кўрсатилган, у ускунани ўрнатади. БЮДнинг «Молиявий тартибга солиш учун ¬масъул шахс» деб номланган 9-графасида «А» компанияси кўрсатилган, у буюртмачи (Ўзбекистон Республикаси резиденти) ҳисобланади. Импорт 4.06.2021 йилдаги 352-сон ВМҚга мувофиқ имтиёзлар бўйича амалга оширилган. Бироқ «А» компанияси техник хусусиятлари туфайли ускунадан воз кечяпти. «Х» компанияси бошқа харидорни – «Б» компаниясини (Ўзбекистон резиденти) топди. Агар «Х» компанияси «Б» компаниясига ускунани (ЭҲФни ҚҚС билан расмийлаштирган ҳолда) реализация қиладиган бўлса, бу божхона ёки солиқ қонунчилигини ҳамда валютани тартибга солиш ҳақидаги қонун ҳужжатларини бузиш ҳисобланадими ёки 9-графани «Б» компанияга тузатиш учун БЮД ИМ-40 қайта расмийлаштирилиши талаб этиладими?