Вазирлар Маҳкамасининг 4.01.2024 йилдаги 4-сон қарори билан Ўзбекистон Республикасида дастурий бюджетлаштириш тизимини реализация қилишда бюджет тақсимловчиларнинг бюджет дастурларини ишлаб чиқиш, назорат қилиш ва самарадорлигини баҳолаш тартиби тўғрисида низом тасдиқланди.
Ҳужжат қуйидагиларни назарда тутади:
● бюджетлаштириш дастурий тизимини жорий қилишда бюджет дастурларини ишлаб чиқиш тартиби ва муддатлари;
● бюджет дастурининг мақсадли кўрсаткичлари ва уларга қўйиладиган талаблар;
● бюджет дастурларини молиялаштириш манбалари;
● бюджет дастурларининг бажарилишини таъминлаш ва назорат қилиш, шунингдек уларнинг ижроси бўйича ҳисоботларни тайёрлаш;
● бюджет дастурларининг самарадорлигини баҳолаш ва уларнинг реализацияси тўғрисидаги маълумотларнинг шаффофлигини таъминлаш.
Бюджет дастурларини ишлаб чиқиш ва амалга оширишнинг устувор йўналишлари:
● давлат бюджетидан ҳар йилги ажратмалар доирасида аниқ мақсадлар ва натижалар асосида сифат ва миқдорий кўрсаткичларни (индикаторларни) шакллантириш;
● бюджет лойиҳасини тайёрлаш ва қабул қилишда бюджет тақсимловчиларнинг молиявий мустақиллигини ошириш;
● бюджет дастурларини амалга ошириш учун масъул бўлган бюджет тақсимловчиларнинг жамоатчилик олдида ҳисобдорлиги;
● ижтимоий-иқтисодий соҳаларда белгиланган стратегик мақсад ва вазифалардан келиб чиқиб амалга оширилаётган чора-тадбирлар самарадорлигини таҳлил қилиш ва баҳолаш.
Иқтисодиёт ва Молия вазирлигига 2024 йил 1 сентябргача «UzASBO» дастурий комплексида бюджет дастурларини шакллантириш, тасдиқлаш, рўйхатга олиш ва амалга ошириш бўйича ҳисоботларни электрон шаклда тақдим этиш топширилган.
Ҳужжат Қонун ҳужжатлари маълумотлари миллий базасида (lex.uz) эълон қилинган ва 5.01.2024 йилдан кучга кирди.
Собир НУРБЕРДИЕВ, Лола АБДУАЗИМОВА.