Пенсионер 100 ёшга тўлди. Пенсия ва қўшимча тўлов олиб келган. У вафот этди. Пенсиясини ололмай қолди. Мазкур ҳолатда тўловлар амалга ошириладими?
– Ҳа, албатта. Пенсионер вафот этган ой учун олинмай қолган пенсия пули кўрсатиб ўтилган оила аъзоларига ушбу ой учун тўлиқ тўланади.
Оиланинг бир неча аъзоси мурожаат этган тақдирда пенсиянинг уларга тегишли суммаси уларнинг ўртасида тенг тақсимланади.
Пенсионер вафот этган тақдирда унинг оиласига ёки пенсионернинг дафн маросимини ўтказган шахсга ПҲБМнинг 4 баравари миқдорида дафн этиш нафақаси тўланади.
Кўрсатиб ўтилган пуллар, уларни олиш учун пенсионер вафот этганидан кейин 60 кун ичида мурожаат этилган тақдирда тўланади («Фуқароларнинг давлат пенсия таъминоти тўғрисида»ги Қонун 63-м.).
Зафаржон Хўжаев, «Norma» МЧЖ эксперти.
Маълумот учун!
Пенсия тайинлаш тўғрисидаги ариза барча тақдим этилган ҳужжатлар билан бирга, шунингдек Пенсия жамғармаси бўлимининг пенсия тайинлаш тўғрисидаги қарори пенсия йиғмажилдига ТИКИБ ҚЎЙИЛАДИ ва ахборот тизимида электрон шаклда САҚЛАНАДИ.
Мавзувий сонни махсус мухбиримиз Алла Ромашко олиб боради.