Чет эллик ходим билан меҳнат шартномасини бекор қилиш ёки муддатини узайтириш тартиби

Бизда чет эллик мутахассис расмийлаштирилган бўлиб, у билан муддатли меҳнат шартномаси тузилган. Тасдиқнома чет эллик мутахассисга 1 йилдан кўп бўлмаган муддатга берилганлиги сабабли, меҳнат шартномасининг амал қилиш муддати ушбу муддатдан ошмаслиги керак. Чет эл фуқаросининг ишга қабул қилинганини расмийлаштириш, у билан меҳнат шартномасини тузиш ва унга ўзгартиришлар киритиш умумий қоидаларга кўра амалга оширилади (МК 521-м. 11-қ.). Шунинг учун тасдиқноманинг амал қилиш вақти давомида тузилган меҳнат шартномаси унинг муддати тугаши билан бекор қилинади (МК 112, 113-м.). 1. Ишлаш учун янги тасдиқнома олинганда чет эллик мутахассис билан меҳнат шартномасини бекор қилиш керакми (МК 158-моддасига мувофиқ)? 2. Чет эллик мутахассис учун синов муддатини белгилашга ҳақлимизми (Россия Федерацияси фуқароси, визасиз режим)?