Суғурта пули қайтариладими?
Мен 2022 йилда «Асакабанк» орқали автокредит олган эдим ва шу банк тақдим этган суғурта компанияси орқали 3 йилга бахтсиз ҳодиса учун тўлов қилганман. Банк ходими кредитни эртароқ ёпсам, ишлатилмаган даврлар учун суғурта пули қайтариб берилишини айтган. Мен тўлиқ 1 йилда кредитни 100% ёпдим. Суғурта компанияси билан боғланиб, ишлатилмаган даврлар учун суғурта пулини қайтаришга ариза бердим. Лекин суғурта компанияси 25%ни сабабсиз ушлаб қолишини айтди. Шартнома нусхасини сўрасам, банкдан оласиз, дейишди. Банкдагилар эса бизда фақат полис берилади, дейишди. Шартномани мен имзоламаганман, фақат тўлов қилганман.
Суғурта компаниясининг хатти-ҳаракатлари тўғрими? Кредит муддатидан олдин ёпилса, суғурта компанияси ишлатилмаган даврлар пулини қайтариб берадими?