Оила етим қолган болани васийликка олди. Бунда уларга қандайдир ёрдам кўрсатилиши ёки нафақа берилиши мумкинми?
– Етим болалар ва ота-онаси қарамоғидан маҳрум бўлган болаларни васийликка ва ҳомийликка олган оила «Ижтимоий ҳимоя ягона реестри» ахборот тизимида рўйхатга олинган бўлса, ушбу оилага мазкур болалар 18 ёшга тўлгунига қадар Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг қўшимча манбалари ҳисобидан БҲМнинг 5 баравари миқдорида моддий ёрдам пули тўланади (9.08.2021 йилдаги ПҚ-5216-сон қарорнинг 15-б.).