Маҳаллада «Темир дафтар» бор, унда ёрдамга муҳтож бўлган одамлар қайд этилган. Ёлғиз пенсионер сифатида мен ҳам ёрдамга муҳтожлар қаторига киритилишим мумкинми?
– «Темир дафтар» рўйхатига қуйидаги тоифадаги фуқаролар киритилади:
• ижтимоий ёрдамга муҳтож I ва II гуруҳ ногиронлиги бўлган аъзолари мавжуд оилалар;
• кам таъминланган якка-ёлғизлар ва кексалар;
• боқувчисини йўқотган эҳтиёжманд оилалар;
• кўп (4 ва ундан ортиқ) фарзандли моддий кўмакка муҳтож оилалар;
• тиббий ёрдамга муҳтож эҳтиёжманд оилалар (сурункали ёки оғир ногиронликка олиб келувчи касалликка чалинган ва ногиронлик гуруҳи белгиланмаган аъзолари мавжуд етарли даромад манбаига эга бўлмаган оилалар);
• нотурар жойларда истиқомат қилаётган, ўзи ёки биргаликда яшовчи оила аъзоларининг номида турар жой бўлмаган эҳтиёжманд оилалар (Вақтинчалик тартибнинг 4-б., 28.04.2021 йилдаги 250-сон ВМҚ билан тасдиқланган).
Шунингдек ижтимоий ҳимояга муҳтож хотин-қизлар «Аёллар дафтари»га киритилади ва зарур ёрдамни олишлари мумкин бўлади.