Онам – пенсионер, инсультдан кейин ўнг қўллари фалаж бўлиб қолган, уй ичида қийинчилик билан ҳаракатланадилар, ҳар 3 ойда тиббий муолажа, реабилитация ўтказилади. Онамга ногирон сифатида қандайдир нафақа ёки пенсия белгиланиши мумкинми?
– Ногиронлик пенсияси ёки нафақаси белгиланган тартибда I ва II гуруҳ ногиронлиги бўлган шахслар деб топилган шахсларга тўланади («Фуқароларнинг давлат пенсия таъминоти тўғрисида»ги Қонуннинг 15-м., 2-сон Низомнинг 9-б., 7.04.2011 йилдаги 107-сон ВМҚ билан тасдиқланган).
Сизнинг мурожаатингиздан кўриниб турибдики, онангиз кексалик пенсиясини оладилар. Қонуннинг 4-моддасига мувофиқ давлат пенсияларининг турли хилларини олиш ҳуқуқига эга бўлган фуқароларга уларнинг ўзлари танлаган битта пенсия тайинланади.