РФ пенсионерлари тўловлар суммалари ва уларни олиш тартибига тааллуқли масалаларни ҳал этишлари янада осонлашади.
1 июлдан РФ ҳукуматининг «Россия Федерацияси ҳудудидан ташқарига доимий яшаш учун кетаётган (кетган) шахсларга пенсияларни тўлаш тартиби тўғрисида»ги қарорининг янги таҳрири амал қилишни бошлаган.
– Энди чет элда яшайдиган пенсионерлар тириклик ҳолатларини тасдиқлашлари янада осон бўлади. Аввал бунинг учун Россия Федерацияси ёки Россия ижтимоий фондининг (РИФ) консуллик муассасасидан шахсан ўтишлари лозим. Энди аризани белгиланган шаклда тўлдирган ҳолда давлат хизматлар порталига мурожаат қилиш мумкин. Ариза кучайтирилган номалака электрон имзоси билан тасдиқланган электрон ҳужжат шаклида юборилади, – деб тушунтирди Европа юридик хизматининг етакчи юристи Оксана Красовская.
Ишлашни тўхтатган пенсионерлар июль ойида индексацияланган пенсияни оладилар.
Аввал қайта ҳисоблаш жараёни 3 ойни ташкил қилган, тўлов эса ишдан бўшатилгандан кейин тўртинчи ойда амалга оширилган. Энди муддатлар қисқартирилди.
– РФ қонун ҳужжатларидаги ўзгаришларга мувофиқ иш берувчи ишдан бўшатилган кундан кейин бир иш кунидан кечиктирмасдан меҳнат муносабатлари бекор қилинганлиги тўғрисидаги маълумотларни тақдим этиши шарт. Бундан кейин РИФда қарор чиқарилиши учун ой мавжуд бўлади. Масалан, пенсионер 2023 йил 25 майда ишдан бўшатилган. Кейинги куни ҳисобот келиб тушади. РИФда қайта ҳисоб-китоб қилиш тўғрисидаги қарорни қабул қилиш учун ой мавжуд бўлади, яъни 25 июнга қадар муддат бор. Бинобарин, июль ойидаёқ шахс янги миқдордаги пенсияни олади. Бундан ташқари, унга индексацияни ҳисобга олган ҳолда июнь ойи учун қўшимча тўлов ҳисобланади, – деб тушунтирди Оксана Красовская.
Агар пенсионер унга пенсия тўғри ҳисобланаётганлигига шубҳа қилаётган бўлса, буни текшириб кўриш мумкин. РИФга тўловларнинг батафсил ҳисоб-китобини тақдим этиш тўғрисидаги ариза билан мурожаат қилиниши керак.
Шунингдек пенсионерда боқимонда пайдо бўлганда у пенсияга қатъий белгиланган тўловни оширишга ҳақли.
Қўшимча тўлов олиниши мумкин бўлган боқимондалар жумласига фақат яқин қариндошлар киради: 18 ёшга тўлмаган болалар (боқимондалик ҳолатини тасдиқлаш керак эмас) ёки 18 ёшдан 23 ёшгача бўлган болалар, агар уларга вояга етгунига қадар ногиронлик белгиланган бўлса ёки ўқиётган (ўқув муассасасидан маълумотнома билан тасдиқланади) ва ишламаётганлар.
Бунда пенсияга устама олиш ҳуқуқига фақат ота-онанинг биттаси эмас, балки иккаласи ҳам эга бўлади. Шунингдек боқимондалар жумласига яна 18 ёшгача ёки 18 ёшдан 23 ёшгача бўлган ака-укалар, опа-сингиллар ва набиралар киритилади.
Албатта, уларда қонун бўйича таъминланиши шарт бўлган меҳнатга лаёқатли ёшдаги бошқа қариндошлар бўлмаганда.
– Яъни, агар бувисининг қарамоғида набиралари бўлиб, у васий ҳисобланса, бундай оширишни сўраб мурожаат қилиши мумкин. Бундай ошиш маълум қилиш тартибида белгиланади ва ҳужжатлар тақдим этилиши талаб этилади. Шунингдек ногиронлик бўйича суғурта пенсияси ҳам ошишига эътиборни қаратмоқчиман. Ижтимоий пенсия (стаж мавжуд бўлмаганлигини ҳисобга олган ҳолда) ёки ногиронлик бўйича ижтимоий пенсия тайинланган шахсларга эса бундай оширилиш назарда тутилмаган, – деб қўшимча қилди Оксана Красовская.
Ҳозирда пенсияни оширишнинг бир талай турли усуллари мавжудлигига ҳамма ҳам эътибор қаратмайди. Улардан ҳар қандай шахс фойдаланиши мумкин. Масалан, кешбэк ва бошқа бонуслари бўлган банк картасига пенсияни ўтказиш мантиқан тўғри бўлади. Агар РИФга мурожаат қилиниб, пенсияни бошқа банкнинг картасига ўтказиб берилиши сўралганда, шундай қилиш мумкин бўлади. PG Partners юридик компаниясининг ҳамкори Светлана Петрикова шундай тавсия берди.
Ҳамкор банклар ҳақида батафсил маълумотларни ва рўйхатини РИФнинг ҳудудий бўлимларида билиб олиш мумкин. Шунингдек пенсияни бошқа банкнинг картасига мустақил равишда ўтказиши мумкин.
Масалан, агар қандайдир молиявий ташкилот оширилган бонуслар ёки кешбэк тақдим этадиган бўлса, пенсия олинганидан кейин дарҳол уни бошқа банкнинг картасига ўтказиш ва ундан ҳисоб-китобларда фойдаланиш мантиқан тўғри бўлади. Буни Тезкор тўловлар тизими (СБП) орқали бепул амалга ошириш мумкин.
– Ўзига пенсияни ошириб олишнинг яна бир варианти – пенсия балларини қўшимча сотиб олиш. Бу умуман легал усулдир. РИФга бадалларни нафақат иш берувчи, балки суғурталанган шахс ҳам тўлаши мумкин. Бадалларнинг суммаси қанчалик юқори бўлса, кишининг пенсияси шунчалик юқори бўлади. Шу боисдан, агар пенсия балли озгина етмаётган бўлса, уларни сотиб олиш мумкин. Бунинг учун РИФга ариза ёзилиши керак. Ундан жавоб келганда, пенсия баллари суммасини тўлаш керак бўлади. Ушбу тўлов бирйўла ёки қисмларга бўлиб тўланади, – деб қўшимча қилди Светлана Петрикова.
1 июлдан бошлаб янги ҳудудлардаги ҳарбий пенсионерлар Россия қонунлари бўйича пенсия оладилар.
Бу Луганск ва Донецк Халқ Республикалари, Запорожье ва Херсон вилоятлари аҳолисига ҳам тегишлидир. Янги нормалар ҳарбий пенсиялар тайинланиши лозим бўлган пенсионерларга тааллуқли, бироқ улар ушбу минтақалардан РФ таркибига киритилгунига қадар кетиб қолганлар.
Ҳарбий хизмат ва унга тенглаштирилган хизматларни ўтаган шахслар, шунингдек уларнинг оила аъзолари бундай тўловларни олиш учун мурожаат қилишлари мумкин. Бунда бир шарт мавжуд – ушбу шахслар 2022 йил 30 сентябрь ҳолатига кўра янги ҳудудларда доимий яшашлари лозим.
Манба: Life.ru
Маълумот учун!
Технологияларда, ишлаб чиқаришни ва меҳнатни ташкил қилишда ўзгаришлар бўлганлиги, ишлар ҳажми қисқартирилганлиги муносабати билан штат қисқаришига тушган ва ишсиз деб эътироф этилган шахслар қуйидаги тартибда пенсияга чиқиш ҲУҚУҚИГА ЭГА БЎЛАДИЛАР:
• эркаклар – 58 ёшга тўлганда ва иш стажи камида 25 йил бўлганда;
• аёллар – 53 ёшга тўлганда ва иш стажи камида 20 йил бўлганда.
Мавзувий сонни махсус мухбиримиз Алла Ромашко олиб боради.