Нафақа қоплаб берилмади...

Ходима хусусий корхонага ҳисобчи вазифасига 2022 йил 5 август куни қабул қилинган. У 2022 йил ноябрь ойида оилавий шароит тақозоси билан Тошкентга кўчиб кетган, лекин ҳисобчилик вазифасини масофавий бажариб келган. 2023 йил 25 январь куни Тошкент шаҳридаги оилавий поликлиника томонидан ҳомиладорликка чиққанлик варақаси тақдим этилган. Варақа 25.01–31.05 кунлари (126 кун) учун берилган. ПФ-87-сон Фармонга асосан ходимага давлат томонидан 4 баравар минимал истеъмол харажатлари (МИХ) миқдоридаги сумма қоплаб берилмаган. Ходиманинг меҳнат шартномаси ҳақидаги маълумотлар Ягона миллий меҳнат тизимига (mehnat.uz) ўз вақтида киритилган ҳамда 2022 йил август–2023 йил январь ойлари учун ЖШДС ва ижтимоий солиқ бўйича ҳисоботида тўғри акс эттирилган. Давлат томонидан қоплаб берилмаслик сабабини тушунтириб берсангиз. Агар давлат томонидан қоплаб берилмайдиган бўлса, корхона томонидан ҳомиладорлик нафақаси тўлаб берилиши керакми?