Ютуқлар сарҳисоби
Божхона брокерлари уюшмаси Давлат божхона қўмитаси кўмагида «Савдо тартиб-таомилларини соддалаштириш чора-тадбирлари ва божхона маъмуриятчилигини ривожлантириш йўналишлари. ТИФ иштирокчилари муаммолари»га бағишланган давра суҳбатини ўтказди. Унда ДБҚ, Техник тартибга солиш агентлиги ва бошқа давлат органлари, бизнес ҳамжамиятлари, транспорт ва логистика компанияларининг вакиллари, божхона брокерлари иштирок этдилар. Анъанага кўра тадбир гибрид форматда нафақат юзма-юз иштирок орқали, балки республика ҳудудларидан тадбиркорлик вакилларининг масофали иштироки билан ўтказилди.