Божхоначи хотин-қизлар
Яқинда Тошкентда «Аёллар савдода: Марказий Осиё хотин-қизлари учун чорлов ва имкониятлар» деб номланган иккинчи йиллик Минтақалараро хотин-қизлар саммити бўлиб ўтди. Саммит доирасида «Аёл – божхонада раҳбар» семинари ўтказилди, ушбу семинар USAIDнинг Ўзбекистондаги миссияси томонидан Давлат божхона қўмитаси билан ҳамкорликда ташкил этилди. Тадбирнинг асосий мақсади – Ўзбекистон Республикаси божхона органлари фаолиятида гендер тенглигини таъминлаш. Унда ДБҚнинг турли бошқармалари, Божхона институти, Миллий кинология маркази, «Тошкент-АЭРО» ихтисослаштирилган божхона комплекси, ДБҚнинг Тошкент шаҳри ва вилояти бошқармаларидан божхона хизмати вакилалари иштирок этди.