Ташкилот маъмурияти қандай муддат мобайнида пенсияга ҳужжатларни расмийлаштириши лозим?
– Маъмурият (бошқарув) ариза тушган кундан эътиборан 10 кунлик муддат ичида стаж ва иш ҳақи тўғрисидаги зарур ҳужжатларни расмийлаштиради ҳамда уларни берилган ариза ва ўз тақдимномаси билан бирга аризачи истиқомат қиладиган Пенсия жамғармасининг туман (шаҳар) бўлимига юборади.
Корхоналар ва ташкилотлар пенсия учун (пенсия қайта ҳисобланиши учун) ҳужжатларни ўз вақтида тақдим этмаслик ёки ишончсиз маълумотлари бўлган ҳужжатларни тақдим этиш оқибатида пенсионерга етказилган зарар учун унинг олдида қонун ҳужжатларида белгиланганидек жавобгар бўладилар (Қонуннинг 43-м. 3, 9-қ.).
Шунингдек сиз яшаш жойингиздаги Пенсия жамғармаси бўлимига ариза ва зарур ҳужжатларни тақдим этган ҳолда шахсан мурожаат қилишга ҳақлисиз.