Иш ҳақи суммасини архив маълумотномасини тақдим этмасдан қандай билиш лозим?
– Архив маълумотларини тақдим этмасдан иш ҳақи миқдорини аниқлаш:
● 2005–2016 йиллар даври учун – жамғариб бориладиган пенсия тизимига мажбурий бадаллар тўғрисидаги маълумотлардан;
● 2016–2018 йиллар даври учун – фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадалларини якка тартибда ҳисобга олишнинг марказлаштирилган электрон реестри маълумотларидан;
● 2019 йил учун – фуқароларнинг иш ҳақининг якка тартибдаги ҳисобини юритишнинг марказлаштирилган электрон реестри маълумотларидан;
● 2020 йил 1 январдан кейинги давр учун – «ЯММТ» ИДАКда мавжуд маълумотлардан келиб чиқиб амалга оширилади.
Кўрсатилган даврлар учун архив маълумотларидан фақат тизимларда зарур маълумотлар мавжуд бўлмаганда ёки фуқаронинг мурожаати асосида фойдаланилади.
Иш ҳақи тўғрисидаги маълумотлар қисман мавжуд бўлмаган ҳолларда мавжуд бўлмаган даврлар учун иш ҳақини аниқлаш учун минтақавий коэффициент ҳисобга олинмасдан, қонун ҳужжатларида тегишли даврлар учун белгиланган пенсияни ҳисоблашнинг базавий миқдорлари қабул қилинади (Низомнинг 85-б., ВМнинг 8.09.2011 йилдаги 252-сон қарорига 1-илова).
