Ташкилотда хизматлардан бири сменали ишлайди.
Қонун ҳужжатлари бўйича кечки смена неча соат бўлиши лозим?
– Қонун ҳужжатларида кечки вақтда ишлаш ва бунга ҳақ белгиланмаган.
Кечки вақтда ишлаганлик учун оширилган меҳнат ҳақи корхонада жамоа шартномасида касаба уюшмалари қўмитаси ва ходимларнинг вакиллик органлари билан келишилган ҳолда белгиланиши мумкин. Тунги сменадан олдинги соатлар, соат 22.00 гача бўлган иш сменаси кечки иш сменаси ҳисобланади. Муайян кечки смена соатлари корхонанинг локал ҳужжатларида белгиланади, улар соат 18.00 дан олдин ва соат 22.00 дан кейин белгиланмаслиги лозим (МК 122, 158-м.).
Валерия Ляндрес, кадрлар хизмати ходими.