Муддатидан олдин солиқ резиденти бўлиш мумкинми?

Амалиётда бухгалтерларда чет эллик ходимларнинг даромадларига нисбатан ЖШДС ставкасини қўллаш билан боғлиқ саволлар ва қийинчиликлар юзага келади. Экспертлар, аудиторлар ва солиқ маслаҳатчилари ушбу саволлар юзасидан турли хил фикрга эгалар. buxgalter.uz портали Давлат солиқ қўмитасига мурожаат қилиб, шундай саволларга қўмита мутахассисларидан тушунтиришлар олди. Чет эллик ходимларнинг резидентлик мақомини белгилаш учун кунларни қайси санадан бошлаб ҳисоблаш зарур: Ўзбекистон ҳудудига, масалан, шахсий мақсадни кўзлаб ҳақиқатда келган санаданми ёки Ўзбекистон резиденти бўлган ташкилот (ёки ДМ, ваколатхона) чет эллик ходим билан меҳнат шартномасини (контрактини) тузган санаданми?