Корхона бухгалтери офис учун мебель ва компьютерларни харид қилиш чоғида уларни материалларни ҳисобга олувчи счётларга кирим қилди. Ушбу мол-мулкдан корхона маъмурияти фойдаланади.
1. Корхонада фойдаланиш учун харид қилинган офис учун мебель ва компьютерлар асосий восита ҳисобланадими ёки ТМЗми?
2. Мол-мулк асосий воситалар таркибига кирим қилиниши лозим бўлганда хатони қандай тўғрилаш мумкин?
|
1 |
Асосий воситалар – корхона томонидан узоқ муддат давомида хўжалик фаолиятини юритишда маҳсулот ишлаб чиқариш, ишларни бажариш ёки хизматлар кўрсатиш жараёнида ёхуд маъмурий ва ижтимоий-маданий вазифаларни амалга ошириш мақсадида фойдаланиш учун тутиб туриладиган моддий активлар (АВ томонидан 20.01.2004 йилда 1299-сон билан рўйхатдан ўтказилган 5-сон БҲМСнинг 3-банди «а» кичик банди).
АВ таркибига қуйидаги мезонларга бир вақтнинг ўзида жавоб берадиган моддий активлар киритилади:
а) 1 йилдан ортиқ хизмат муддати;
б) бир бирлик (тўплам) учун қиймати ЭКИҲнинг 50 бараваридан ортиқ бўлган буюмлар. Корхона раҳбари ҳисобот йилида буюмларни асосий воситалар таркибида ҳисобга олиш учун улар қийматининг энг кам чегарасини белгилашга ҳақли (5-сон БҲМСнинг 4-банди).
2019 йил 1 сентябрдан бошлаб ЭКИҲ ўрнига меҳнатга ҳақ тўлашнинг энг кам миқдори (МҲЭКМ), базавий ҳисоблаш миқдори (БҲМ) ва пенсияни ҳисоблашнинг базавий миқдори (ПҲБМ) жорий этилган (21.05.2019 йилдаги ПФ-5723-сон Фармоннинг 1-банди). Юридик шахслар активларининг баланс қийматини аниқлашда БҲМ қўлланилади (ПФ-5723-сон Фармоннинг 2-банди «б» кичик банди). Бинобарин, 2019 йил 1 сентябрдан кейин харид қилинган асосий воситаларга БҲМнинг 50 бараваридан ортиқ бўлган қиймат мезони қўлланилади.
Корхонада фойдаланиш учун харид қилинган офис мебели, компьютерлар ушбу мезонларга мос келган тақдирда улар АВ ҳисобланади. Улар ушбу талабларга мос бўлмаса, харид қилиш чоғида материалларни ҳисобга олувчи счётларга кирим қилинади.
|
2 |
Мол-мулк АВ ҳисобланса-ю, бироқ хатога йўл қўйилган ҳолда материалларни ҳисобга олувчи счётларга кирим қилинган бўлса, буни тузатиш лозим.
Бунда 2 та вазиятдан фойдаланиш мумкин:
1) мол-мулк материаллар таркибига кирим қилинган ва фойдаланишга берилмаган. Хато қуйидаги бухгалтерия проводкалари билан тузатилади:
Дт 0820-«Асосий воситаларни харид қилиш» счёти
Кт 1000-«Материалларни ҳисобга олувчи счётлар»;
2) мол-мулк харид қилиш чоғида материаллар таркибига кирим қилинган ва фойдаланишга берилган. Маъмурият АВдан фойдаланаётгани сабабли фойдаланишга беришда уларнинг суммаси маъмурий харажатларга ҳисобдан чиқарилиши ва бир вақтнинг ўзида 014-«Фойдаланишдаги инвентарь ва хўжалик жиҳозлари» счёти дебети бўйича акс эттирилиши керак. Хато қуйидаги бухгалтерия проводкалари билан тузатилади:
|
Хўжалик операциясининг мазмуни
|
Счётлар корреспонденцияси
|
|
|
дебет
|
кредит
|
|
|
Мол-мулкни ҳисобдан чиқариш бўйича хатолик тузатилган (у жорий йилда ёки аввалги йилларда ҳисобдан чиқарилган, бироқ сумма унча катта бўлмаганда)
|
1000-«Материалларни ҳисобга олувчи счётлар»
|
9420-«Маъмурий харажатлар»
|
|
Ҳисобдан чиқарилган мол-мулк суммаси катта бўлганда, ўтган йилларда йўл қўйилган хатолик тузатилган
|
1000-«Материалларни ҳисобга олувчи счётлар»
|
8710-«Ҳисобот даврининг тақсимланмаган фойдаси (қопланмаган зарари)»
|
|
Ушбу мол-мулк бўйича балансдан ташқари счёт ёпилган
|
|
014-«Фойдаланишдаги инвентарь ва хўжалик жиҳозлари»
|
|
Мол-мулк АВ таркибига кирим қилинган
|
0820-«Асосий воситаларни харид қилиш»
|
1000-«Материалларни ҳисобга олувчи счётлар»
|
|
АВ фойдаланишга топширилган
|
0100-«Асосий воситаларни ҳисобга олувчи счётлар»
|
0820-«Асосий воситаларни харид қилиш»
|
|
АВдан фойдаланиш даври учун амортизация ҳисобланган
|
9420-«Маъмурий харажатлар» 8710-«Ҳисобот даврининг тақсимланмаган фойдаси (қопланмаган зарари)» |
0200-«Асосий воситаларнинг эскиришини ҳисобга олувчи счётлар»
|
Азизахон ТОШХЎЖАЕВА,
«Norma» МЧЖ эксперти.
