Масъулияти чекланган жамият иштирокчиси ушбу жамият кузатув кенгашининг аъзоси бўлиши мумкинми?
Д.Тангиров.
– Ҳа, масъулияти чекланган жамият муассиси ушбу жамият кузатув кенгашининг аъзоси бўлиши мумкин.
Агар бу жамият уставида тўғридан-тўғри назарда тутилган бўлса, МЧЖда кузатув кенгаши тузилади («Масъулияти чекланган ҳамда қўшимча масъулиятли жамиятлар тўғрисида»ги Қонуннинг 29-моддаси 2-қисми).
Қонунда белгиланишича, жамиятнинг яккабошчилик асосидаги ва коллегиал ижро этувчи органининг аъзолари (масалан, директор ва дирекция) жамият кузатув кенгашининг аъзолари бўлиши мумкин эмас (Қонуннинг 38-моддаси 4-қисми). Бироқ жамият иштирокчисига нисбатан бундай чеклов белгиланмаган. Аксинча, Қонуннинг 38-моддаси 6-қисми мазмунига кўра, жамият иштирокчиси ушбу жамият кузатув кенгашининг аъзоси бўлиши мумкин.
Сабоҳат Султонова,
«Norma Online» эксперти.
