18 ноябрда кадрлар бўлимига касаллик варақасини тақдим этдим (поликлиника 5 кунга очган).
Менга уни қачон тўлашлари керак: аванс биланми (21 ноябрда) ёки ноябрь учун иш ҳақи билан биргами (декабрда)? Қонун ҳужжатларида иш ҳақи, касаллик нафақаси, таътил учун ҳақни тўлашнинг чекланган муддатлари белгиланганми?
А.Болотова.
– Вақтинча меҳнатга қобилиятсизлик нафақаси касаллик варақаси тақдим этилгандан кейин ойнинг иккинчи ярми учун бериладиган иш ҳақи билан бирга тўланади. Бундай тартиб Давлат ижтимоий суғуртаси бўйича нафақалар тайинлаш ва тўлаш тартиби тўғрисидаги низомда (АВ томонидан 8.05.2002 йилда 1136-сон билан рўйхатдан ўтказилган) назарда тутилган. Тегишинча, сизнинг ҳолатда касаллик нафақасини ноябрь учун иш ҳақи билан бирга, яъни декабрда оласиз.
Меҳнат кодексининг 161-моддасига мувофиқ, меҳнатга ҳақ тўлаш муддатлари корхонанинг жамоа шартномаси ёки бошқа локал норматив ҳужжатида белгиланади ва ҳар ярим ойда 1 мартадан кам бўлиши мумкин эмас.
Қонун ҳужжатлари билан иш ҳақи, касаллик нафақаси, таътил учун ҳақ ва бошқа тўловларни тўлашнинг қуйидаги муддатлари белгиланган:
|
Тўлов турлари
|
Тўлаш муддати
|
|
Иш ҳақи, қуйида кўрсатилган ҳоллардан ташқари
|
Корхонанинг жамоа шартномаси ёки бошқа локал норматив ҳужжатларида белгиланган муддатларда
|
|
Меҳнат шартномаси иш берувчининг ташаббуси билан бекор қилинганда тўланадиган тўловлар (МКнинг 110-моддаси):
|
|
|
меҳнат шартномаси бекор қилинган кунга қадар ишлаётган ходимга
|
шартнома бекор қилинган куни
|
|
меҳнат шартномаси бекор қилинган куни ишламаётган ходимга
|
у ҳисоб-китоб қилишни талаб этган куни
|
|
Меҳнат шартномаси ходимнинг ташаббуси билан бекор қилинганда тўланадиган тўловлар (МКнинг 110-моддаси):
|
|
|
меҳнат шартномасини бекор қилиш ҳақида иш берувчини огоҳлантириши шарт бўлган ходимга
|
огоҳлантиришига кўра у ишни ташлаб кетишга ҳақли бўлган кундан кечиктирмасдан
|
|
меҳнат шартномасини бекор қилиши ҳақида иш берувчини огоҳлантириши шарт бўлмаган ходимга
|
ишдан кетган кунининг эртасидан кечиктирмасдан
|
|
Таътил учун ҳақ (МКнинг 148-моддаси)
|
Жамоа шартномасида белгиланган муддатларда, лекин таътил бошланмасидан олдинги охирги иш кунидан кечикмай
|
|
Вақтинча меҳнатга қобилиятсизлик нафақасини тўлаш
|
Касаллик варақаси тақдим этилгандан кейин ойнинг иккинчи ярми учун бериладиган иш ҳақи билан бирга (АВ томонидан 8.05.2002 йилда 1136-сон билан рўйхатдан ўтказилган Низомнинг 7, 103-бандлари)
|
|
Ҳомиладорлик ва туғиш бўйича нафақа
|
|
|
Болани парваришлаш нафақаси
|
Ҳар ойда, корхонанинг жамоа шартномаси ёки бошқа локал норматив ҳужжатларида белгиланган муддатларда
|
|
Бола туғилганда бериладиган бир марталик нафақа
|
Пенсия жамғармасидан пул маблағлари олингандан кейин ёки иш ҳақини тўлаш кунида – кейинчалик тўланган суммаларни Пенсия жамғармаси маблағлари ҳисобидан ҳар ой қоплаш эвазига ўз маблағлари ҳисобидан (АВ томонидан 3.11.2016 йилда 2836-сон билан рўйхатдан ўтказилган Низомнинг 41-банди) |
|
Ишловчи пенсионерларга пенсиялар
|
|
|
Алимент
|
Алимент тўлаши шарт бўлган шахсга иш ҳақи тўланган ва (ёки) бошқа даромадлар олинган кундан бошлаб, 3 кундан кечиктирмай (Оила кодексининг 137-моддаси)
|
|
Фахрий унвон учун тўловлар
|
Иш ҳақи билан бир вақтда (ВМнинг 3.01.2008 йилдаги 2-сон қарори билан тасдиқланган Низомнинг 6-банди)
|
|
Бошқа тўловлар
|
Корхонанинг жамоа шартномаси ёки бошқа локал ҳужжатларида белгиланган муддатларда
|
Ҳақ тўланадиган кун дам олиш куни ёки байрам кунига тўғри келиб қолса, у шу кун арафасида тўланади (МКнинг 161-моддаси).
Жавобларни «Norma Ekspert» мутахассислари тайёрладилар.
