2017 ЙИЛ ЯНВАРЬ
3 ЯНВАРЬ
2016 йил декабрь ойининг III ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни
(Солиқ кодекси, 304-модда, 4-қисм).
5 ЯНВАРЬ
2016 йилнинг декабрь ойида натура шаклида тўланган даромадлардан жисмоний шахслардан олинадиган даромад солиғини тўлашнинг сўнгги куни
(Солиқ кодекси, 188-модда, 1-қисм).
9 ЯНВАРЬ
2017 йилнинг I чораги учун фойда солиғи суммаси тўғрисидаги маълумотномани ҳамда ободонлаштириш ва ижтимоий инфратузилмани ривожлантириш солиғи бўйича жорий тўловлар ҳақидаги маълумотномани тақдим этишнинг сўнгги куни
(Солиқ кодекси, 164-модда, 2-қисм; 300-модда, 3-қисм);
мол-мулкнинг мўлжалланаётган солиқ солинадиган базасидан (ўртача йиллик қолдиқ қийматидан (ўртача йиллик қийматидан) ва 2017 йил учун белгиланган ставкадан келиб чиққан ҳолда ҳисобланган юридик шахсларнинг мол-мулкига солинадиган солиқ суммаси тўғрисидаги маълумотномани тақдим этишнинг сўнгги куни
(Солиқ кодекси, 271-модда, 4-қисм).
10 ЯНВАРЬ
2017 йилнинг январь ойи учун фойда солиғи бўйича жорий тўловларни тўлашнинг сўнгги куни1
(Солиқ кодекси, 164-модда, 3, 4-қисмлар; 165-модда, 4-қисм);
2016 йилнинг декабрь ойи учун акциз солиғи бўйича ҳисоб-китобни тақдим этиш ва тўловни тўлашнинг сўнгги куни
(Солиқ кодекси, 239-модда; 240-модда, 1-қисм);
2017 йилнинг январь ойи учун мол-мулк солиғи бўйича жорий тўловни тўлашнинг сўнгги куни2
(Солиқ кодекси, 271-модда, 5-қисм);
2017 йилнинг январь ойи учун ободонлаштириш ва ижтимоий инфратузилмани ривожлантириш солиғи бўйича жорий тўловни тўлашнинг сўнгги куни3
(Солиқ кодекси, 300-модда, 4, 5-қисмлар);
2016 йилнинг декабрь ойи учун бозорлар ва устав фондида (устав капиталида) давлат улуши камида 51%ни ташкил этган савдо мажмуалари олган даромадлари ва бюджетга маблағлар ўтказгани тўғрисида маълумотларни тақдим этишнинг сўнгги куни
(Солиқ кодекси, 387-модда, 5, 6 ва 7-қисмлар);
2016 йилнинг декабрь ойи учун меҳнатда шикастланиш ёки касб касалликлари оқибатида тайинланган пенсиялар тўлови бўйича харажатларни қоплаш учун маблағларни тўлашнинг сўнгги куни
(АВ томонидан 3.11.2016 йилда 2836-сон билан рўйхатдан ўтказилган Ягона ижтимоий тўловни тақсимлаш, шунингдек харажатларни қоплаш бўйича суммаларнинг тўланишини ҳамда ташкилотлар томонидан пенсия, нафақа ва бошқа тўловлар учун харажатлар амалга оширилиши тартиби тўғрисидаги низомнинг 17-банди).
13 ЯНВАРЬ
2017 йил январь ойининг I ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни
(Солиқ кодекси, 304-модда, 4-қисм).
14 ЯНВАРЬ6
Сув етказиб берувчи юридик шахслар томонидан водопровод тармоғига сув ресурсларининг ер усти ва ер ости манбаларидан келадиган сув ҳажмларининг нисбати тўғрисидаги маълумотларни тақдим этишнинг сўнгги куни
(Солиқ кодекси, 260-модда, 3-қисм);
2017 йил учун товарларнинг айрим турлари (алкоголли маҳсулотлар, қимматбаҳо металлар ва қимматбаҳо тошлардан ясалган буюмлар) билан чакана савдо қилиш ва айрим турдаги хизматлар кўрсатиш (автотранспортни вақтинча сақлаш бўйича пулли хизматлар) ҳуқуқи учун йиғим ҳисоб-китобини тақдим этишнинг сўнгги куни
(Солиқ кодекси, 347-модда, 4-қисм);
2017 йил учун фаолиятнинг айрим турларини амалга оширувчи юридик шахслар томонидан қатъий белгиланган солиқ бўйича ҳисоб-китобни тақдим этишнинг сўнгги куни
(Солиқ кодекси, 372-модда, 5-қисм);
2016 йилнинг декабрь ойи учун Халқ банкига жамғариб бориладиган пенсия тизимида иштирок этувчи ходимларнинг ШЖБПҲга бадаллари реестрини тақдим этишнинг сўнгги куни
(ВМнинг 21.12.2004 йилдаги 595-сон қарори билан тасдиқланган Халқ банки томонидан фуқароларни жамғариб бориладиган пенсия тизимида шахсан ҳисобга олишни юритиш тартиби тўғрисида низомнинг 16-банди; АВ томонидан 6.10.2005 йилда 1515-сон билан рўйхатдан ўтказилган Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисида низомнинг 10-банди).
15 ЯНВАРЬ6
2016 йилнинг декабрь ойи учун акцизли товарларнинг айрим турларини сотиш ҳажмлари (ички бозорда янги автомобиллар, алкоголли ва тамаки маҳсулотлари, ўсимлик мойи, автомобиль бензини, дизель ёқилғисини сотиш) тўғрисида маълумотларни тақдим этишнинг сўнгги куни
(ДСҚнинг АВ томонидан 27.01.2010 йилда 2074-сон билан рўйхатдан ўтказилган «Акцизли товарларнинг айрим турларини сотиш ҳажмлари тўғрисидаги маълумот шаклини тасдиқлаш ҳақида»ги қарорининг 2-банди).
23 ЯНВАРЬ
2017 йил январь ойининг II ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни
(Солиқ кодекси, 304-модда, 4-қисм).
24 ЯНВАРЬ
мўлжалланаётган солиқ солинадиган базадан (фойдаланиладиган сув ҳажмидан) ва 2017 йил учун белгиланган солиқ ставкаларидан келиб чиққан ҳолда ҳисобланган сув ресурсларидан фойдаланганлик учун солиқ суммаси тўғрисидаги маълумотномани тақдим этишнинг сўнгги куни4
(Солиқ кодекси, 264-модда, 1, 2-қисмлар);
2016 йилнинг декабрь ойи учун цемент ва клинкерга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни
(АВ томонидан 24.02.2009 йилда 1908-сон билан рўйхатдан ўтказилган Цементга ва клинкерга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12, 13-бандлари);
2016 йилнинг декабрь ойи учун табиий газга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни
(АВ томонидан 24.02.2009 йилда 1909-сон билан рўйхатдан ўтказилган Табиий газга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12, 13-бандлари).
25 ЯНВАРЬ
2017 йилнинг январь ойи учун сув ресурсларидан фойдаланганлик учун солиқ бўйича жорий тўловларни тўлашнинг сўнгги куни5
(Солиқ кодекси, 264-модда, 3-қисм);
2016 йилнинг декабрь ойи учун товарларнинг айрим турлари (алкоголли маҳсулотлар, қимматбаҳо металлар ва қимматбаҳо тошлардан ясалган буюмлар) билан чакана савдо қилиш ва айрим турдаги хизматлар кўрсатиш (автотранспортни вақтинча сақлаш бўйича пулли хизматлар) ҳуқуқи учун йиғимни тўлашнинг сўнгги куни
(Солиқ кодекси, 347-модда, 3-қисм);
2016 йилнинг декабрь ойи учун фаолиятнинг айрим турларини амалга оширувчи юридик шахслар томонидан қатъий белгиланган солиқни тўлашнинг сўнгги куни
(Солиқ кодекси, 372-модда, 7-қисм);
2016 йилнинг IV чораги учун чакана савдо тармоғида сотиладиган олтиндан ишланган заргарлик буюмларига акциз солиғи бўйича ҳисоб-китобни тақдим этиш ва 2016 йилнинг декабрь ойи учун солиқни тўлашнинг сўнгги куни
(АВ томонидан 16.02.2012 йилда 2328-сон билан рўйхатдан ўтказилган Чакана савдо тармоғида сотиладиган олтиндан ишланган заргарлик буюмларига акциз солиғини ҳисоблаб чиқариш ва тўлаш тартиби тўғрисидаги низомнинг 17–19-бандлари).
30 ЯНВАРЬ
2016 йил учун даромадининг умумий суммаси ва ушлаб қолинган юридик шахслардан олинадиган фойда солиғининг умумий суммаси кўрсатилган маълумотномани тақдим этишнинг сўнгги куни
(Солиқ кодекси, 165-модда, 4-қисм, 3-банд);
2016 йил учун даромадлар олган жисмоний шахслар тўғрисида маълумотномани тақдим этишнинг сўнгги куни, асосий иш жойи бўйича даромадлар олган жисмоний шахслар бундан мустасно
(Солиқ кодекси, 187-модда, 1-банд).
31 ЯНВАРЬ
2016 йил учун ягона ер солиғини тўловчилар томонидан ўзи етиштирган ва қайта ишлаган қишлоқ хўжалиги маҳсулоти кўрсатилган маълумотномани тақдим этишнинг сўнгги куни
(Солиқ кодекси, 363-модда, 1-қисм);
2017 йил учун чакана савдо ва умумий овқатланиш корхоналари томонидан Ходимлар сони ва меҳнатга ҳақ тўлаш фондининг энг кам меъёрларини ҳисоблаш учун асос бўладиган кўрсаткичлар тўғрисидаги ахборотни тақдим этишнинг сўнгги куни
(АВ томонидан 23.02.2011 йилда 2200-сон билан рўйхатдан ўтказилган Ходимлар сони ва меҳнатга ҳақ тўлаш фондининг энг кам меъёрлари жорий этилишини ҳисобга олган ҳолда солиқлар ва бошқа мажбурий тўловларни ҳисоблаб чиқариш ва тўлаш тартиби тўғрисида низомнинг 12-банди).
2017 йил учун ЯСТ тўловчилари томонидан Ягона солиқ тўлови энг кам миқдорининг маълумотнома-ҳисоб-китобини тақдим этишнинг сўнгги куни
(АВ томонидан 3.03.2011 йилда 2203-сон билан рўйхатдан ўтказилган Ягона солиқ тўловининг энг кам миқдори киритилиши муносабати билан ягона солиқ тўловини ҳисоблаб чиқариш ва тўлаш тартиби тўғрисидаги низомнинг 4-банди).
1Ҳисобот давридаги тахмин қилинаётган солиқ солинадиган фойдаси ЭКИҲнинг 200 бараваридан кам бўлган корхоналардан ташқари. Тўлов манбаида ушлаб қолинадиган юридик шахсларга тўланадиган дивиденд ва фоизларга фойда солиғи, шунингдек Ўзбекистон Республикаси норезидентларининг даромадларидан фойда солиғи бюджетга мазкур тўловларни тўлаш кунидан кечиктирмасдан ўтказилади.
2Мол-мулк бўйича жорий тўловларни ҳар чоракнинг учинчи ойи 25-кунидан кечикмай тўлайдиган микрофирмалар ва кичик корхоналар бундан мустасно.
3Ободонлаштириш ва ижтимоий инфратузилмани ривожлантириш солиғи бўйича жорий тўловлар ҳисобот давридаги солиқ солинадиган базаси ЭКИҲнинг 200 бараваригача миқдорда бўлган солиқ тўловчилар томонидан тўланмайди.
4Ягона ер солиғини тўлашга ўтмаган қишлоқ хўжалиги корхоналари, республикада доимий муассаса орқали фаолиятни амалга оширадиган Ўзбекистон норезидентлари, шунингдек юридик шахсни ташкил этган ва ташкил этмаган деҳқон хўжаликлари жорий тўловларни тўламайдилар ва, тегишинча, маълумотномани тақдим этмайдилар.
5Солиқ суммаси бир йил учун 200 ЭКИҲдан камни ташкил қиладиган корхоналар ҳамда жорий тўловларни ҳар чоракнинг учинчи ойи 25-кунидан кечикмай тўлайдиган микрофирмалар ва кичик корхоналар бундан мустасно.
6Муддатнинг сўнгги куни дам олиш (ишланмайдиган) кунига тўғри келиб қолса, муддатнинг тугаш куни бўлиб ундан кейин келувчи биринчи иш куни ҳисобланади.
___________________________
Солиқ тўловчининг тақвими – «Солиқ ва божхона хабарлари» газетаси экспертларининг муаллифлик ишланмасидир. Унинг бошқа ОАВларда қайтадан чоп этилиши ва электрон маълумотлар базаларида жойлаштирилишига «Norma» газеталари бирлашган таҳририяти» МЧЖ ёки «Norma Hamkor» МЧЖ билан тузилган шартнома асосидагина йўл қўйилади.
