Norma.uz
Газета СБХ / 2016 год / № 22 / Божхона

Экспорт мамлакатидан ҳужжат

 

ВМнинг 22.05.2013 йилдаги 139-сон Қарори билан тасдиқланган Низомнинг 3-бандида кўрсатилишича, агар БЮДда товарнинг қиймати кўрсатилмаган бўлса, экспорт божхона юк декларацияси ўрнига экспорт қилувчи мамлакатда расмийлаштирилган унинг ўрнини босувчи бошқа ҳужжат тақдим этилиши мумкин.

Агар БЮДда товар нархи кўрсатилмаган бўлса, уни қандай ҳужжат тасдиқлаши мумкинлиги ҳақида маълумот берсангиз.

Умида А.

 

Давлат божхона қўмитаси мурожаатни кўриб чиқиб, қуйидагиларни маълум қилди.

ЎзР Президентининг 25.12.2012 йилдаги ПҚ-1887-сон Қарори1 6-банди ва ЎзР Президентининг 29.01.2013 йилдаги ПҚ-1913-сон Қарори2 4-бандига мувофиқ, Ўзбекистон Республикасида 2013 йил 1 апрелдан бошлаб тадбиркорлик субъектлари – импортёрлар томонидан Ўзбекистон Республикаси божхона ҳудудига божхона тўловлари бўйича имтиёзлар қўлланган ҳолда олиб кириладиган товарларнинг божхона қийматини тасдиқлаш учун экспорт божхона юк декларацияси мажбурий тақдим этилиши тартиби жорий этилган.

ЎзР Вазирлар Маҳкамасининг 22.05.2013 йилдаги 139-сон Қарори билан Тадбиркорлик субъектлари – импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган ҳолда олиб кириладиган товарларнинг божхона қийматини тасдиқлаш тартиби тўғрисидаги низом (бундан кейинНизом) тасдиқланган.

Ушбу меъёрий-ҳуқуқий ҳужжатларга мувофиқ, импортёр божхона тўловлари бўйича имтиёзларни қўллаган ҳолда, олиб кирилаётган товарларнинг божхона қийматини тасдиқлаш учун ЎзР давлат божхона хизмати органларига «Эркин муомала учун чиқариш» режимига божхона расмийлаштируви пайтида экспорт божхона юк декларациясини (қоғозли манбада босилган ва экспорт (реэкспорт) қилувчи мамлакатнинг божхона органи ёки импортёр томонидан тасдиқланган электрон божхона юк декларацияси тарзида) ёки унинг ўрнини босувчи бошқа ҳужжатни ва Ўзбекистон Республикасининг божхона ҳудудигача қилинган харажатларни (қиймат ва тўловларни) тасдиқловчи бошқа ҳужжатларни тақдим этади.

Низомнинг 3-бандида назарда тутилишича, агар экспорт БЮДда товарнинг қиймати кўрсатилмаган бўлса ёки экспорт (реэкспорт) қилувчи мамлакатнинг қонун ҳужжатларида товарни олиб чиқишда божхона декларациясини расмийлаштириш назарда тутилмаган бўлса, у ҳолда экспорт божхона юк декларацияси ўрнига товарни экспорт (реэкспорт) режимида божхонада расмийлаштиришда экспорт қилувчи мамлакатнинг божхона органига тақдим этилган унинг ўрнини босувчи бошқа ҳужжат тақдим этилиши мумкин. Бунда экспортёр ва импортёрнинг номи, Ўзбекистон Республикасининг божхона ҳудудига олиб кирилаётган товарнинг қиймати, вазни ва миқдори тўғрисидаги маълумотлардан иборат бўлган бошқа ҳужжатларда божхона органларининг штамплари, муҳрлари, бошқа белгилари қўйилган тасдиғи мавжуд бўлиши шарт.

Мурожаатингизга берилган жавобга қўшилмаган тақдирда Ўзбекистон Республикаси қонун ҳужжатлари билан белгиланган тартибда юқори турувчи инстанцияларга ёки суд органларига мурожаат этишга ҳақлисиз.

 


1«Ўзбекистон Республикасининг 2013 йилги асосий макроиқтисодий кўрсаткичлари прогнози ва Давлат бюджети параметрлари тўғрисида».

2«Мамлакатимизда ишлаб чиқарилган маҳсулотларнинг рақобатдошлилигини янада ошириш ва товарларни республикага ноқонуний олиб киришга қарши курашни кучайтириш тўғрисида».

 

Муталибжон СОЛИЕВ, ЎзР Давлат божхона қўмитаси раисининг ўринбосари.

Прочитано: 1787 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика