Британия институтининг эътирофи

Бухгалтерлар ва аудиторлар миллий уюшмасида бухгалтерия ҳисоби, аудит ва молиявий менежмент бўйича 12 нафар мутахассисга Британия сертификатланган молия менежерлари инс­титутининг (BICFM) «Профессионал молиявий менежер» сертификатлари топширилди.

Британия сертификатланган молия менежерлари институти – молия ва бошқарув соҳасидаги мутахассисларнинг профессионал ташкилоти Сертификатланган бухгалтерлар институти ва Тижорат институтининг ташаббуси билан тузилган бўлиб, Европа бухгалтерлар уюшмаси (EMAA), Халқаро бухгалтерия таълими ва тадқиқотлари уюшмаси (IAAER), Дипломли бухгалтерлар жамоат уюшмаси (CPAA), Европа бухгалтерлар федерацияси (EFoB), Халқаро бухгалтерлар федерация­си (FoB) сингари ва бошқа нуфузли ташкилотлар томонидан эътироф этилган. BICFM дунёнинг 70 мамлакатида, шу жумладан Ўзбекистонда молиявий менежмент соҳаси профессионаллари­га сертификатлаштириш ва аъзоликни таклиф этади. Унинг сертификатлаштириш ва ўқитиш дастурлари Европа мутахассисларининг илғор тажрибаси асосида ишлаб чиқилган.

Бугунги кунгача «Профессионал молиявий менежер» сертификатлари ўзбекистонлик 22 нафар мутахассисга берилган. Шуниси ибратлики, «Профессионал молиявий менежер» унвонини олиш мақсадида имтиҳонларни топширишда САР/CIPA даражасидаги сертификатларни олиш учун имтиҳон якунлари ҳисобга олинади.

ЎзБАМУдаги учрашувда уш­бу сертификатларни CIPA сертификатлари эгалари – Е.В.Ле­вашчева, Ш.М.Назаров, У.З.Раҳ­матов, У.Т.Фай­зиева, У.Р.Шо­каримова­лар; «Молиявий ҳисоб-2» ва «Мо­лиявий ме­нежмент» ­фанлари бўйича имти­ҳонларни топширган САР сертификат­лари эгалари – Л.С.Асанов, Э.А.Беглова, Ф.В.Бер­диев, Н.Б.Казакова, Б.Х.Мир­заев, О.Ю.Фо­менко, Е.С.Цай олишди.

«Сертификатланган молиявий менежер» иккинчи даражали сертификатини олиш учун «Профессионал молиявий менежер» сертификати эгалари «Инвестициялар­ни бошқариш» фани бўйича имти­ҳон топширишлари лозим.

Ўз ахборотимиз.