II гуруҳ ногирониман, лекин ишлайман. Пенсиямни янги стажни ҳисобга олган ҳолда қайта ҳисоблаб беришлари мумкин деб эшитдим. Шу тўғрими ва мен қаерга мурожаат қилишим керак?
– Ҳақиқатан ҳам, жорий йилдан бошлаб I ва II гуруҳ ногиронлик пенсияси тайинланганидан кейинги ишланган вақт иш стажига қўшиб ҳисобланади (26.10.2022 йилдаги «Фуқароларнинг давлат пенсия таъминоти тўғрисида»ги ЎРҚ-795-сон Қонун).
Сиз пенсияни қайта ҳисоб-китоб қилдириш учун яшаш жойингиздаги ПЖ бўлимига ариза билан мурожаат қилишингиз керак. Қайта ҳисоб-китоб икки йилда бир марта, I ва II гуруҳ ногиронлиги бўйича пенсия тайинлангандан кейин тўпланган иш стажи ва иш ҳақини ҳисобга олган ҳолда, бир йил иш стажи мавжуд бўлганда амалга оширилади. Бунда ҳисоб-китоб қайта ҳисоблаш учун мурожаат қилинган санада белгиланган ёшга нисбатан зарур иш стажидан келиб чиққан ҳолда амалга оширилади.