Ривожланиш сари йўл: божхона трансформацияланади
Ўзбекистон божхона хизмати – мамлакат давлатчилиги ва мустақиллигимизнинг унсурларидан бири, унинг сиёсий ва иқтисодий суверенитетининг тасдиғидир. Кўп функцияли, техник жиҳозланган, давлатнинг иқтисодий, ижтимоий ва ташқи иқтисодий тизимига интеграциялашган бўлиб, иқтисодиётга мультипликатив таъсир кўрсатади, бу эса умумий макроиқтисодий кўрсаткичларда ижобий акс этади. Божхона самарадорлигини оширишга, ТИФни амалга ошириш учун тартиб-таомилларни соддалаштиришга, замонавий ахборот-коммуникация технологияларидан кенг фойдаланиш орқали ишлаш учун мақбул муҳитни яратишга йўналтирилган комплекс ислоҳотлар ўтказилаётганлиги бундан далолат беради.