Қийматга тузатиш киритинг

Биз кейинчалик юкларни ташиш учун Европадан транспорт импорт қиляпмиз. Шундай ҳолат юзага келдики, битта шартномада еврода бошқача сумма, БЮДда эса бошқача сумма кўрсатилган. 0,62 евро сальдо осилиб турибди, бироқ барча юк ташиш ҳужжатлари шартномада кўрсатилган суммада. Иккинчи ҳолатда яна шундай вазият юзага келди. Яна 1,23 евро сальдо осилиб турибди. Иккала ҳолатда ҳам айнан БЮДдаги сумма нотўғри кўрсатилган, шундан сальдо ҳосил бўлган. Энди бу шартномаларни ёпа олмаяпмиз. Қолган барча импорт шартномаларда ҳар доим тўлов суммаси ва БЮДдаги сумма мос келган, биз хотиржам бўлиб уларни ёпар эдик. Текширув ўтказдик, нима сабабдан бундай бўлганини билмоқчи бўлдик. Декларант БЮДни киритишда хатоликка йўл қўйган кўринади. Ушбу муаммони қандай ҳал этишни айтиб беришингизни сўраймиз.