Тушунтириш 2023 йил 30 апрелдан кучга кирадиган янги МК асосида тайёрланган. Корхона Тошкентда жойлашган. Қурилиш объектлари – республиканинг бошқа ҳудудларида жойлашган. Штатдаги ходимлар: маъмурият, муҳандис-техник ходимлар, монтажчилар ва бошқалар қурилиш объектларида узоқ вақт давомида бўлишади. Ҳужжатлар бўйича улар – «хизмат сафарида». Хизмат сафарлари раҳбариятнинг буйруғига мувофиқ расмийлаштирилади. 743-сон ВМҚга 3-иловага мувофиқ ҳар куни яшаш жойига қайтиб келиш имконияти таъминланмаган ходимларга ишнинг кўчма хусусияти учун устама белгиланади. Ходимларнинг ишини тўғри тавсифладикми? Уларнинг йўлкира ва яшаш харажатларини қандай қилиб тўғри қоплаш керак?
Хизмат сафарини «кўчма» ва «қатнаш» тусидаги ишдан қандай фарқлаш мумкин