Божхона тартиб-таомилларини соддалаштириш учун

Божхона брокерлари уюшмаси томонидан Давлат божхона қўмитаси ҳамкорлигида «Савдо тартиб-таомилларини соддалаштириш чора-тадбирлари ва божхона маъмуриятчилигини ривожлантириш йўналишлари. ТИФ иштирокчилари муаммолари»га бағишланган давра суҳбати шаклида ўтказилган йиғилиш якунлари бўйича ББУ бир қатор таклифларни тайёрлади ва улар тегишли идораларга юборилди. Эслатиб ўтамиз, тадбирда ДБҚ, Техник тартибга солиш агентлиги ва бошқа давлат органлари, ЎзЛиДеПнинг тадбиркорликни ва фермерликни қўллаб-қувватлаш маркази, Мулкдорлар синфини ривожлантириш ва қўллаб-қувватлаш консалтинг маркази, бизнес ҳамжамиятлари, транспорт ва логистика компанияларининг вакиллари, божхона брокерлари иштирок этдилар.