Нима учун номзодлар компанияда «илдиз отмайди»

«Мени ўз хоҳишимга кўра ишдан бўшатишингизни сўрайман» – кадрлар бўйича мутахассис атиги бир неча ой олдин ишга қабул қилинган ходимдан шундай мазмундаги аризани олди. Нима бўлди? Номзоднинг билим ва кўникмалари талаблар рўйхатига тўлиқ мос келган, йигит суҳбатдан ўтган ва ҳаммага ёққанди, тажрибаси ҳам, билими ҳам бор эди-ку... Бу ходимлар бошқаруви хизмати учун таниш ҳолат, шундай эмасми? Бу ерда ягона ечим – янги ходимни излаш бўлиб кўринади. Аммо бу вазиятни тузатадими? Компанияда ўз ўрнини тополмаётган янги ходимларнинг қўнимсизлигини қандай бартараф этиш мумкин?