Norma.uz
Норма маслахатчи / 2021 йил / № 1 / Қонунчиликдаги янгиликлар

Олий таълим муассасаларида – кредит-модуль тизими

 

Вазирлар Маҳкамасининг 31.12.2020 йилдаги «Олий таълим муассасаларида таълим жараёнини ташкил этиш билан боғлиқ тизимни такомиллаштириш чора-тадбирлари тўғрисида»ги 824-сон қарори қабул қилинди.

 

Қарорга мувофиқ 2020/2021 ўқув йилидан бошлаб олий таълим муассасаларида ўқув жараёни босқичма-босқич кредит-модуль тизимига ўтказилади. Ҳужжат билан Европа тизими (European Credit Transfer and Accumulation System – ECTS) асосида Олий таълим муассасаларида ўқув жараёнига кредит-модуль тизимини жорий этиш тартиби тўғрисидаги низом тасдиқланди.

Олий таълим муассасаси кенгашининг қарорига мувофиқ:

  • ОТМда 3 йил ишлаб беришни назарда тутувчи шартномани расмийлаштирган ҳолда профессор-ўқитувчилар нуфузли хорижий олий таълим ташкилотлари ва илмий муассасаларда стажировка ўтайди ва малака оширади;
  • ОТМда 5 йил ишлаб беришни назарда тутувчи шартномани расмийлаштирган ҳолда ўқитувчилар нуфузли хорижий олий таълим ташкилотлари ва илмий муассасаларнинг докторантураси дастурлари асосида ўқитилади.

2021 йил 1 январдан бошлаб олий таълим муассасаларининг академик мустақиллигини кенгайтириш мақсадида:

  • ОТМ ҳузуридаги техникумларда ўқув машғулотларни олиб бораётган профессор-ўқитувчиларнинг меҳнатига соатбай ҳақ тўлаш ОТМ талабаларига дарс ўтганлиги учун меҳнатга соатбай ҳақ тўлаш миқдорларида амалга оширилади;
  • таълим жараёнини ташкил этишда ҳафталик ўқув кунлари ОТМ томонидан мустақил белгиланади;
  1. олий таълим муассасаларида ташкил этиладиган якуний давлат аттестация комиссияси раислари тегишли ОТМ ректорининг (филиал директорининг) буйруғи билан тасдиқланади.

Ушбу Низом Адлия вазирлиги, Соғлиқни сақлаш вазирлиги тизимидаги олий таълим муассасалари, олий ҳарбий таълим муассасаларига, шунингдек Ўзбекистон ҳудудида ўз фаолиятини юритаётган нодавлат ва хорижий олий таълим ташкилотларига нисбатан татбиқ этилмайди.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 31.12.2020 йилдан кучга кирди.

 

Лола Абдуазимова.

Прочитано: 12 раз(а)

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика