Россия супермаркетларида ҳар бир дўкон омбори мудирига дўкон рақами туширилган муҳр берилади. Ишончнома бериш ўрнига етказиб берувчиларнинг юкхатлари ва ҳисобварақ-фактураларига шу муҳр босилади, бунда етказиб берувчиларнинг ҳужжатларига омбор мудири имзоси ва Ф.И.О. кўрсатилади.
Ўзбекистон резиденти – МЧЖ ишончнома бериш ўрнига ҳар бир дўкон омбори мудири учун дўкон рақами туширилган шунга ўхшаш муҳр ясаттириши мумкинми?
– Юридик шахс ишончномани ваколатли шахс муҳрига алмаштиришга ҳақли эмас.
Корхона томонидан қонун ҳужжатларида белгиланган тартибда етказиб берувчилардан товар-моддий бойликларни олиш учун ишончли шахсга берилган ёзма ваколат ишончнома деб тан олинади (АВ томонидан 27.05.2003 йилда 1245-сон билан рўйхатдан ўтказилган Низом). Товар-моддий бойликларни олишга ишончномалар корхона ихтиёрига кўра ёхуд тасдиқланган шаклда расмийлаштирилади (Низомга 1, 2-иловалар). Тегишинча, корхона ишончноманинг белгиланган шаклидан фойдаланиши шарт эмас. Бироқ у албатта ёзма кўринишда тақдим этилиши керак.
Альберт Сафин, «Norma» МЧЖ эксперти.
