Ташкилот (ЯСТ тўловчи) акция бўйича ғолиб бўлган жисмоний шахсга автомобиль тақдим этаяпти.
Қандай солиқларни тўлаш керак?
ЯСТ
Корхона учун мазкур операция мол-мулкни текинга бериш ҳисобланади ҳамда ҳадя шартномаси (ФКнинг 504-моддаси) ва ҳисобварақ-фактура билан расмийлаштирилади.
Жисмоний шахсга автомобилни тақдим этувчи корхона ЯСТ тўлайди. Товарлар текинга берилганда товарлар таннархи ёки уларни олиш нархи ЯСТ солиш объекти ҳисобланади (Солиқ кодексининг 355-моддаси).
ЖШДС
Мусобақаларда, кўрикларда, танловларда совринли ўринлар учун бериладиган совғалар, совринлар, пул мукофотлари, ютуқли ўринлар жисмоний шахслар учун бошқа даромад ҳисобланади (Солиқ кодексининг 178-моддаси), уларга ЖШДС солиниши керак.
Бошқа даромадлар, агар даромаднинг тўлов манбаи юридик шахс бўлса, тўлов манбаида ЖШДС солинадиган даромадларга киради (Солиқ кодексининг 184-моддаси).
Шу сабабли ЖШДСни ҳисоблаб чиқариш, ушлаб қолиш ва тўлаш мажбурияти солиқ солинадиган база ва белгиланган ставкадан келиб чиқиб корхонангизга юклатилади.
Ютуқ натура ҳолида (соврин) олинганлиги боис жисмоний шахс ютуқни олаётганда автомобиль қийматидан шкала бўйича ёки энг юқори ставкада ҳисобланган ЖШДСни ташкилотингиз кассасига тўлаши (ҳисоб-китоб счётига ўтказиши) керак.
Жавобни «Norma» МЧЖ экспертлари тайёрладилар.
