Norma.uz
СБХ / 2018 йил / № 04-05 / Ахборот-коммуникация технологиялари

Қоғозли эмас, электрон мурожаат кўпайган

 

«Электрон ҳукумат» тизимини ривожлантириш маркази Ягона давлат интерфаол хизматлари порталининг 2017 йилдаги фаолиятини сарҳисоб қилди.

 

Ҳисобот даврида давлат интерактив ва автоматлаштирилган хизматларини такомилаштириш ҳамда оммалаштириш юзасидан кенг кўламли ишлар амалга оширилди. Хусусан, ишбилармонлик, кўчмас мулк операциялари, солиқ солиш, давлат ҳужжатлари бериш каби соҳаларда янги интерактив хизматлар ишлаб чиқилди.

Амалга оширилган ишлар туфайли ўтган йилнинг охирига келиб, порталда рўйхатдан ўтган фойдаланувчилар сони 239 мингдан ошди. Янги хизматлар жорий этилиши билан бирга, ЯДИХП мавқеи ҳам ортиб бормоқда, аксарият одамлар давлат органларига қоғоз орқали эмас, балки электрон тарзда мурожаат қилишни афзал кўрмоқда. Шундай қилиб, 2017 йил давомида порталга хизматлардан фойдаланиш юзасидан 762 мингдан ортиқ ариза келиб тушган. Ўтган йил декабрь ойининг ўзида 91 минг хизмат кўрсатилган. Бу хизматларнинг 92 фоизини божхона хизматлари ташкил этган. Ташқи савдо шартномалари ҳақида маълумот тақдим қилиш, божхона органларига юк декларациясини электрон тарзда топшириш хизматлари шулар жумласидандир.

2017 йилда давлат органлари орасида энг оммабопи Ўзбекистон Республикаси Молия вазирлигининг веб-сайти бўлди. Молия вазирлигининг бюджет ташкилотларида бухгалтерия ҳисобини юритиш бўйича интерактив хизматларига 34 мингдан ортиқ фойдаланувчи мурожаат қилган. Бундан ташқари, ҳукумат портали (gov.uz) га 13 минг фойдаланувчи ташриф буюргани ва у 79 минг мартта кўрилгани қайд этилган.

 

ЎзА материали асосида.

Прочитано: 1231 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика