Мен пенсия ёшига етдим ва пенсияни расмийлаштиргандан кейин жамғариб бориладиган пенсия дафтарчамдан маблағларни олмоқчиман. Бу менинг даромадим ҳисобланадими, мен бирор-бир солиқ тўлашим керакми?
А.Леонидова.
Тошкент шаҳри.
– Йўқ, керак эмас. Жамғариб бориладиган мажбурий пенсия бадалларидан, шахсий жамғариб бориладиган пенсия ҳисобварақларидаги маблағларга ҳисоблаб чиқарилган фоизлардан ҳамда бундай маблағлар фойдаланилишидан фуқаролар ва Халқ банки оладиган бошқа даромадлардан, жамғариб бориладиган пенсия тўловларидан, шунингдек жамғариб бориладиган пенсия тизими маблағлари айланмасидан солиқлар ва бошқа мажбурий тўловлар олинмайди (Солиқ кодекси 179-моддаси биринчи қисмининг 27-банди; 2.12.2004 йилдаги «Фуқароларнинг жамғариб бориладиган пенсия таъминоти тўғрисида»ги 702-II-сон Қонуннинг 14-моддаси).
