Соғлиқни сақлаш вазирлиги ва Молия вазирлигининг қўшма қарори (АВ томонидан 30.04.2015 йилда 2522-1-сон билан рўйхатдан ўтказилган) билан. Амбулаторияда даволанишда имтиёзли таъминлаш учун мўлжалланган дори воситаларининг рўйхати кенгайтирилди.
Унга 8 номланишдаги дори воситалари қўшимча равишда киритилди:
Пентоэритритил тетранитрат (таблетка 10 мг) – антиангинал восита;
Спиринолактон (таблетка 25 мг) – диуретик восита;
Пирацетам (инъекция учун эритма 200 мг/мл 5 мл) – ноотроп восита;
Пентоксифиллин (таблетка 100 мг; 400 мг; 600 мг) – периферик қон айланишини яхшиловчи восита;
Эмоксипин (кўз томчилари 1% 5 мл; 10 мг/мл 1 мл) – офтальмологияда қўлланиладиган восита;
Амброксол (таблетка 30 мг) – балғам кўчирувчи восита;
Глимеперид (таблетка 1 мг; 2 мг) – қандли диабетга қарши восита;
Финастерид (таблетка 5 мг) – антиандроген восита.
Бу «Кексаларни эъзозлаш йили» Давлат дастурига (Президентнинг 18.02.2015 йилдаги ПҚ-2302-сон Қарори билан тасдиқланган) мувофиқ амалга оширилди.
Мазкур дори воситалари фақат ўзгалар парваришига муҳтож ёлғиз пенсионерлар, 1941–1945 йиллардаги уруш ногиронлари ва қатнашчилари ҳамда уруш меҳнат фронти қатнашчиларини таъминлаш учун мўлжалланган.
Қарор «Ўзбекистон Республикаси қонун ҳужжатлари тўплами»нинг 4.05.2015 йилдаги 17 (673)-сонида расман эълон қилинган кундан кучга кирди.
