Мен Ўзбекистон фуқаросиман, аёлим эса Россия фуқароси. Ўғлимиз 2010 йили Тошкентда туғилган ва Ўзбекистонда берилган туғилганлик гувоҳномасига эга. Россиядаги қариндошларим олдига бориб келиш учун биз унинг фотосуратини аёлимнинг паспортига ёпиштиришни мўлжаллаган эдик. РФнинг Ўзбекистондаги элчихонасида бизга тушунтиришларича, аёлим фарзандимизни РФга олиб бориш ҳуқуқини олиши учун ўғилга РФ фуқаролигини расмийлаштириш лозим экан.
Агар биз ўғлимизга ЎзР фуқаросининг биометрик паспортини расмийлаштирсак;
мен, боланинг отаси, ўғлимни республикадан ташқарига олиб чиқишга нотариал тасдиқланган розилик берсам, аёлим ўғлини Ўзбекистондан ташқарига олиб чиқиши мумкинми?
А.Ҳамдамов.
– Ўзбекистон Республикаси фуқаросининг биометрик паспортини ва 16 ёшга тўлмаган шахслар учун фуқаролиги бўлмаган шахсларнинг ҳаракатланиш ҳужжатини бериш тартиби тўғрисидаги низомга1 (бундан кейин 200-сон Низом) мувофиқ сизнинг муаммоингизни ҳал этиш учун ўғлингизга Ўзбекистон Республикаси фуқаросининг биометрик паспортини расмийлаштириш, ўғлингизни Ўзбекистондан ташқарига олиб чиқишга нотариал тасдиқланган розилигингиз ва аёлингизнинг ўғилни кузатиб бориш мажбуриятини тақдим этиш зарур.
Мен 18 ёшдаман. «Тошкент» аэропортида хорижга чиқишим учун отамнинг рухсатномаси йўқлиги туфайли мени хорижга чиқаришмади, ҳолбуки ёнимда онам бор эди, у мен билан бирга кетаётган эди. Бу қонунийми?
А.Никонов.
– 200-сон Низомга мувофиқ 18 ёшдаги ва ундан катта шахсларга хорижга чиқиш учун ота-онанинг розилиги талаб қилинмайди. Фуқаролик ишлари бўйича судга сизларнинг хорижга чиқишингизга тўсқинлик қилган ходимларнинг ҳаракатлари тўғрисида ариза ва сизга етказилган моддий ва маънавий зарарни қоплашлари тўғрисида даъво билан мурожаат қилишингизни тавсия қиламиз.
1ВМнинг 7.07.2011 йилдаги 200-сон қарорига 1-илова.
