Умумий овқатланиш ва меҳмонхоналарда спиртли ичимликлар қандай маркировкаланади

2026 йил 1 июндан бошлаб меҳмонхона хизматлари ва умумий овқатланиш хизматларини кўрсатувчи тадбиркорлик субъектлари томонидан алкоголли маҳсулотларни харид қилишда рақамли маркировкалаш кодлари ушбу субъектларда якуний истеъмол учун сотилган деб эътироф этилади. Солиқ қўмитаси ушбу нормани амалга оширишнинг амалий жиҳатлари бўйича ҳозирча расмий тушунтиришлар бергани йўқ. Аммо у аллақачон таъсир кўрсатмоқда. Амалиётда эса у бўйича нафақат тадбиркорлар, балки уларнинг касса техникасига хизмат кўрсатувчи ТХКМларда ҳам кўплаб саволлар туғилади. Хусусан, ҳозирча масалаларда аниқ тушунча ва ягона фикр йўқ – кассадаги маркировка кодларини сканерлашни давом эттириш, бўнак чекларини расмийлаштириш керакми? Бундай товарни етказиб берувчига қайтаришни қандай расмийлаштириш мумкин? Buxgalter.uz HoReCa секторида алкоголли маҳсулотлар билан ишлашнинг янги регламенти бўйича ўз қарашларини баён этган «Asl Belgisi» МАТ оператори – «CRPT TURON» МЧЖ мутахассисларининг бу борадаги нуқтаи назарига аниқлик киритди.