Norma.uz
Газета СБХ / 2023 год / № 46 / Мутахассислар тушунтиради

Дивидендлардан ушлаб қолинган солиқ ҳисобга олинадими

МЧЖ (Ўзбекистон Республикаси) Қирғизистон Республикасидаги МЧЖнинг таъсисчиси ҳисобланади. Ўзбекистондаги МЧЖ Қирғизистон МЧЖ фойдасидан дивидендлар олди. Қирғизистондаги тўлов манбаида солиқ ушлаб қолинган.

Ўзбекистонда фойда солиғи ҳисоб-китобини тузишда ушбу суммани ҳисобга олиш мумкинми, сабаби дивидендлар молиявий фаолиятдан олинган даромад ҳисобланади? Бу ҳолатда юридик шахснинг дивидендларига ҳукуматлараро битимлар нормалари татбиқ этиладими?

 

– Ўзбекистон Республикаси Ҳукумати ва Қирғизистон Республикаси Ҳукумати ўртасида фойда ва даромадларга икки томонлама солиқ солинишига йўл қўймаслик ва солиқ тўлашдан бўйин товлашни бартараф этиш тўғрисида битимнинг (Тошкент, 1996 йил 24 декабрь, 2000 йил 17 мартдан кучга кирган) 10-«Дивидендлар» моддасининг 2-банди асосида Қирғизистонда ушлаб қолинган дивидендлар тарзидаги даромаддан олинадиган солиқ дивидендлар умумий суммасининг 5 фоизидан ошмайди.

Агар ушбу шартга риоя қилинган бўлса, Битимнинг 22-моддаси ва СКнинг 342-моддасига асосан тўланган солиқ ҳисобга олиниши лозим.

Ўзбекистон Республикасидан ташқарида тўланган фойда солиғининг ҳисобга олинадиган суммаси миқдори солиқ тўловчи кўрсатилган даромад олиниши лозим бўлган (олинган) солиқ даври учун Ўзбекистон Республикасида тўлаши лозим бўлган фойда солиғи суммасидан ошиб кетиши мумкин эмас (СК 342-м. 3-қ.).

Ҳисобга олишга қабул қилинадиган солиқ суммасининг миқдори Юридик шахслардан олинадиган фойда солиғи ҳисоб-китобига 11-иловада акс эттирилади ва солиқ Қирғизистонда қандай ставка бўйича ушлаб қолинганлигига боғлиқдир. Натижада кўрсатилган илова тўғри тўлдирилган тақдирда Ўзбекистонда қўшимча солиқ суммасини тўлаш талаб қилиниши ёки қилинмаслигини кўриш мумкин бўлади.

 

Радмила КАРИМОВА,

«Assistance In Tax» солиқ маслаҳатчилари ташкилоти директори.

Прочитано: 140 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика