Товар августда юкланиб, ноябрда чек урилган

Корхона умумий солиқларни тўлайди. Сиқилган газ қуйиш шохобчаси 2022 йил 11 августда иш фаолиятини бошлади. Илк кунлари компрессорни тозалаш ва автомобилларга ёнилғи қуйиш учун 18 800 куб метр ҳажмдаги сиқилган газ ишлатилди. Яширин даромад бўлмаслиги учун, жорий йил ноябрида 18 800 куб метр сиқилган газ учун кассага нақд пул топширдилар. Акциз солиғини қўшимча ҳисоблаш амалга оширилди. Мавжуд вазият 2022 йил август ойи учун ҚҚСни ҳисоблашни талаб этади. Агар август учун ҚҚС қайта ҳисоб-китоб қилинса, иккиёқлама солиққа тортиш юзага келади, чунки ноябрь учун ҳисоботда ушбу сумма автомат равишда чекларга тушган. Агар нақд тушум НКМга ўз вақтида киритилмаган бўлса, вазиятни қандай тузатиш мумкин?