Бухгалтер суд жараёнида иштирок этиш ҳақида нималарни билиши керак
Корхона судга «таклифнома» олди. Сиз даъвогар ёки жавобгар эканлигингиздан қатъи назар, суд жараёнига тайёрланиш керак. Тайёргарлик кўриш жараёнида унда иштирок этиш учун кимни жалб қилишни аввалдан ҳал қилинг. Корхона раҳбаридан ташқари жараённинг барча иштирокчилари учун ишончнома тайёрланг. Корхона ходимлари судда фақат шахсни тасдиқловчи ҳужжат ҳамда ташкилот томонидан раҳбар имзоси ва муҳр билан тасдиқланган (мавжуд бўлганда) фирма бланкасида берилган ишончнома бўлгандагина иштирок этишлари мумкин. Бундай ишончномалар нотариал тартибда тасдиқланиши талаб этилмайди.