ҚҚС ва лойиҳа ижрочилари хизматлари

ВМнинг «Халқаро тараққиёт уюшмаси иштирокидаги «Аҳолини ижтимоий муҳофаза қилиш тизимини мустаҳкамлаш» лойиҳасини амалга ошириш чора-тадбирлари тўғрисида»ги ¬669-сон ҳамда «Осиё тараққиёт банки иштирокидаги «Қаттиқ маиший чиқиндиларни барқарор бошқариш» лойиҳасини амалга ошириш чора-тадбирлари тўғрисида»ги 748-сон қарорлари қабул қилинган. Солиқ кодексининг 243-моддаси 23-бандида кўрсатилишича, халқаро молиявий институтларнинг қарзлари ва ҳукумат ташкилотларининг халқаро қарзлари ҳисобидан олинадиган товарлар (хизматлар), агар уларни солиқдан озод этиш қонунда назарда тутилган бўлса, ҚҚС солишдан озод этилади. Компаниямиз маркетинг тадқиқотларини ўтказиш бўйича хизматлар кўрсатади. Буюртмачилар хизматлар ХМИ маблағлари ҳисобидан молиялаштириладиган лойиҳаларни амалга ошириш доирасида сотиб олинишини талаб қилади, шу муносабат билан ҚҚС ҳисобга олинмайди. Бироқ лойиҳа ижрочилари бўлган ташкилотларга хизмат кўрсатувчи ижрочиларни ҚҚСдан озод этиш батафсил ёритилган механизм мавжуд эмас. ХМИ/ХҲМТ маблағлари ҳисобидан молиялаштириладиган лойиҳаларнинг ижрочилари бўлган ташкилотлар учун компаниямиз томонидан кўрсатиладиган хизматлар ҚҚСдан озод этиладими? Хизматларимиз ҚҚСдан озод этилишини тасдиқлаш учун лойиҳа ижрочилари бўлган ташкилотлардан қандай ҳужжатларни сўраб олиш лозим?