Norma.uz
Газета СБХ / 2021 год / № 11 / Божхона

«Манзил йироқ, отим ориқ…»

 

Пойтахт шаҳар божхона бошқармаси билан ички ишлар бош бошқармаси ходимлари ҳамкорлигида Сирғали туманида ўтказилган тезкор тадбирда «Исузу» юк автомашинаси тўхтатилди. Транспорт воситаси ўрнатилган тартибда холислар иштирокида кўздан кечирилганда унинг юкхонасида хорижда ишлаб чиқарилган, Ўзбекистон Республикасига қонуний олиб кирилганлигини тасдиқловчи ҳеч қандай ҳужжатлари бўлмаган, умумий қиймати 284 млн сўмлик жами 10 турдаги электрон ҳисоблагичлар, тарозилар, гигиеник восита ва бошқа хўжалик товарлари борлиги аниқланди.

Худди шундай, «Чуқурсой техник-идора» темир йўл чегара божхона пости орқали пойтахтимизда фаолият юритувчи масъулияти чекланган жамият номига келтирилган юк контейнери белгиланган тартибда божхона назоратидан ўтказилганда контейнерларда йўл-юк кузатув ҳужжатларида кўрсатилганидан ортиқча бўлган, умумий қиймати 229,5 млн сўмлик 459 дона автомобиль шиналари борлиги аниқланди. Натижада мазкур товарларга 100 млн сўмлик божхона тўловлари ҳисобланди.

Яна бир ҳолатда хориждан келтирилган юк контейнери ўрнатилган тартибда кўздан кечирилганда «тадбиркор» 421 млн сўмлик 842 дона автомашина шиналари юк-кузатув ҳужжатларида кўрсатилганидан ортиқча бўлиб чиқди. Мазкур шиналар учун 173 млн сўмлик божхона тўловлари ҳисобланди.

Яна бошқа қонунбузарлик ҳолатида юртимизда фаолият юритувчи МЧЖ номига хорижий мамлакатдан олиб келинган умумий қиймати 338,5 млн сўмлик 677 дона автошиналарнинг юк-кузатув ҳужжатларида кўрсатилганидан ортиқча эканлиги маълум бўлди.

Юқоридаги барча ҳолатлар натижасида қиймати 989 млн сўмлик 1 978 дона автошиналар манзилига етиб бормай, вақтинча сақловга олинди.

Прочитано: 414 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика