Солиқ кодексининг 180-моддаси 2-қисмига мувофиқ ходим даромадлар олинган ҳар бир ой учун ЭКИҲнинг 4 баравари миқдоридаги ЖШДС бўйича имтиёзни қўллашга ҳақли.
Имтиёзлар энг кам иш ҳақининг каррали миқдорларида назарда тутилган бўлса, 2019 йилда ЖШДС бўйича имтиёзни ҳисоб-китоб қилишда ЭКИҲнинг қайси миқдори ҳисобга олиниши лозим?
– Энг кам иш ҳақининг каррали миқдорларида назарда тутилган имтиёзларни ҳисоблаб чиқариш учун ЭКИҲнинг жорий йил 1 январидаги ҳолати инобатга олинади (Солиқ кодексининг 186-моддаси 1-қисми). 2019 йил 1 январь ҳолати бўйича ЭКИҲ 202 730 сўмни ташкил этади.
Корхона ходимнинг асосий иш жойи ҳисобланса, Солиқ кодексининг 180-моддаси 2-қисмига мувофиқ корхона ЖШДС бўйича солиқ солишдан қисман – ЭКИҲнинг 4 баравари миқдорида озод этиладиган имтиёзни қўллаши мумкин (Солиқ кодексининг 180-моддаси 6-қисми). Жисмоний шахс Солиқ кодексининг 180-моддаси 2-қисмида назарда тутилган бир нечта асос бўйича имтиёзларга бўлган ҳуқуққа эга бўлса, унга хоҳишига қараб фақат битта имтиёз берилади (Солиқ кодексининг 180-моддаси 5-қисми).
Жавобни «Norma» МЧЖ экспертлари тайёрладилар.