Ходим корпоратив карточкадаги муайян суммани ўз эҳтиёжлари учун сарфлаган, ушбу суммани унинг даромадига киритиб, унга ЖШДС солдик.
Ушбу сумма фойда солиғи бўйича чегирилмайдиган харажатлар сифатида ҳисобга олиниши лозимми?
– Ҳа, ходим корхонанинг корпоратив картасидан ўз эҳтиёжларига сарфлаган маблағлар юридик шахслардан олинадиган фойда солиғини ҳисоблашда чегирилмайдиган харажатлар ҳисобланади. Ушбу харажатлар корхона томонидан жисмоний шахс манфаатларини кўзлаб, товарлар, ишлар, хизматлар ҳақини тўлаш сифатида малакаланади. Юридик шахснинг бундай харажатлари жисмоний шахснинг моддий наф тарзида олинган даромадларидир (Солиқ кодексининг 177-моддаси 1-банди).
Жисмоний шахснинг моддий наф тарзидаги даромадлари ҳисобланадиган солиқ тўловчининг харажатлари солиқ солинадиган фойдани аниқлаш чоғида чегирилмайдиган харажатлар жумласига киради (Солиқ тўловчининг 147-моддаси 3-банди).
Жавобни «Norma» МЧЖ экспертлари тайёрладилар.
