Фирма лизинг шартномаси бўйича автотранспорт сотиб олди. Солиқ кодексининг 218-моддасига мувофиқ ҚҚС ҳисобга олинади.
Лизинг ускуналари ва лизинг тўловлари бўйича ҚҚСнинг ҳисобга олиниши бухгалтерия ҳисобида қандай акс эттирилади?
– Қуйидаги шартлар бажарилганда, кирувчи ҚҚСни ҳисобга қабул қилишингиз мумкин (Солиқ кодексининг 218-моддаси):
1) 20%лик ставкада* ҚҚС тўлашингиз – ёки умумбелгиланган солиқлар таркибида, ёхуд ихтиёрий равишда ЯСТ билан бирга тўлашингиз лозим;
2) олинган АВлар солиқ солинадиган оборотлар, шу жумладан ноль даражали ставка қўлланиладиган оборотларда фойдаланилса;
3) ҚҚС ажратиб кўрсатилган етказиб берувчи томонидан тақдим этилган ҳисобварақ-фактура ёки унинг ўрнини босувчи бошқа ҳужжат мавжуд бўлганда (Солиқ кодексининг 222-моддаси).
Бунда ҚҚС суммасини 12 ой давомида тенг улушларда ҳисобга олиш ҳуқуқига эга бўласиз (Солиқ кодексининг 218-моддаси 10-қисми).
Автотранспорт воситалари харид қилиниши ва лизинг шартномаси бўйича ойлик тўловлар бухгалтерия ҳисобида қуйидагича акс эттирилади (АВ томонидан 1.06.2009 йилда 1961-сон билан рўйхатдан ўтказилган Низом):
|
Хўжалик операциясининг мазмуни
|
Счётлар корреспонденцияси
|
|
|
дебет
|
кредит
|
|
|
Автотранспорт воситаси келиб тушиши акс эттирилди
|
0860-«Молиявий ижара шартномаси бўйича олинган асосий воситаларга капитал қўйилмалар»
|
7910-«Тўланадиган молиявий ижара»
|
|
Олинган АВ бўйича ҚҚС акс эттирилди
|
4410-«Бюджетга солиқлар ва бошқа мажбурий тўловлар бўйича бўнак тўловлари (турлари бўйича)»
|
|
|
Автомобиль фойдаланишга топширилди
|
0310-«Молиявий ижара шартномаси бўйича олинган асосий воситалар»
|
0860-«Молиявий ижара шартномаси бўйича олинган асосий воситаларга капитал қўйилмалар»
|
|
ҚҚС 12 ой мобайнида тенг улушларда ҳисобга олиниши акс эттирилди
|
6410-«Бюджетга тўловлар бўйича қарз (турлари бўйича)»
|
4410-«Бюджетга солиқлар ва бошқа мажбурий тўловлар бўйича бўнак тўловлари (турлари бўйича)»
|
|
Узоқ муддатли мажбуриятлар тўловлар графиги бўйича жорий қисмга ўтказилди
|
7910-«Тўланадиган молиявий ижара»
|
6950-«Узоқ муддатли мажбуриятлар – жорий қисми»
|
|
Шартнома бўйича фоизлар ҳисобланди
|
9610-«Фоизлар кўринишидаги харажатлар»
|
6920-«Ҳисобланган фоизлар»
|
|
Фоизларни тўлаш (олдиндан тўлов/факт бўйича) акс эттирилди
|
4310-«ТМҚлар учун мол етказиб берувчилар ва пудратчиларга берилган бўнаклар», 6920-«Ҳисобланган фоизлар»
|
5110-«Ҳисоб-китоб счёти», 5530-«Бошқа махсус счётлар»
|
|
Асосий қарзни тўлаш (олдиндан тўлов/факт бўйича) акс эттирилди
|
4310-«ТМҚлар учун мол етказиб берувчилар ва пудратчиларга берилган бўнаклар», 6950-«Узоқ муддатли мажбуриятлар – жорий қисми»
|
5110-«Ҳисоб-китоб счёти», 5530-«Бошқа махсус счётлар
|
|
Аввал тўланган аванслар тўлов графиги бўйича муддати келганда ҳисобга олинди
|
6920-«Ҳисобланган фоизлар», 6950-«Узоқ муддатли мажбуриятлар – жорий қисми»
|
4310-«ТМҚлар учун мол етказиб берувчилар ва пудратчиларга берилган бўнаклар»
|
Жавобни «Norma» МЧЖ экспертлари тайёрладилар.
*Президентнинг 26.09.2019 йилдаги «Ўзбекистон Республикасининг солиқ сиёсатини янада такомиллаштириш чора-тадбирлари тўғрисида»ги ПФ-5837-сон Фармонига мувофиқ 2009 йил 1 октябрдан бошлаб қўшилган қиймат солиғининг ставкаси 20%дан 15%гача пасайтирилган.
