Корхонанинг импорт етказмалар бўйича еврода кредиторлик қарзи бор. Евро конвертация қилинмаётганлиги сабабли хизмат кўрсатувчи банкка АҚШ долларини сотиб олишга буюртманома берилди. Блок-счётга сўмда пул маблағлари ўтказилди.
14.12.2017 йилда $33 700 суммада (МБ курси $1 = 8 093 сўм, ЎзРВБ курси $1 = 8 103 сўм) АҚШ доллари сотиб олинди. Банк 15.12.2017 йилда валюта счётидан $33 442,29 суммани 1 евро = $1,1830 кросс-курси бўйича 28 269,05 евро сотиб олиш учун ҳисобдан чиқарди.
Валюталар конверсиясида қандай бухгалтерия проводкаларини қилиш зарур?
Ф.Р.
– Чет эл валютасидаги операцияларни бухгалтерия ҳисобида акс эттириш тартиби махсус Низом (АВ томонидан 17.09.2004 йилда 1411-сон билан рўйхатдан ўтказилган) билан тартибга солинади.
Бухгалтерия ҳисобида чет эл валютасини харид қилиш ва сотиш МБнинг валютани харид қилиш ёки сотиш кунига бўлган курси бўйича акс эттирилади.
Чет эл валютасини МБ курсидан паст ёки юқори қийматда сотиш (харид қилиш) натижасида вужудга келадиган курс фарқлари корхонанинг молиявий натижаларига молиявий фаолиятдан даромадлар (харажатлар) сифатида олиб борилади (Низомнинг 9-банди).
АҚШ доллари сотиб олинаётганда бухгалтерия проводкалари:
|
Сана
|
Хўжалик операциясининг мазмуни
|
Дебет
|
Кредит
|
|
|
Валюта бозоридаги битим курси бўйича АҚШ долларини сотиб олиш учун махсус счётга сўмдаги маблағлар ўтказилди
|
5500-«Банкдаги махсус счётлардаги пул маблағлари»
|
5110-«Ҳисоб-китоб счётидаги пул маблағлари»
|
|
14.12.2017 й.
|
$33 700 сотиб олинди, бу МБ курси бўйича сўм эквивалентида 272 734 100 сўмга тенг (33 700 х 8 093)
|
5210-«Мамлакат ичидаги валюта счётлари» (АҚШ доллари)
|
5500-«Банкдаги махсус счётлардаги пул маблағлари»
|
|
МБ курси билан валютани сотиб олиш курси ўртасидаги фарқ (33 700 х (8 103 – 8 093)) сифатида юзага келган курс фарқи – 337 000 сўм
|
9620-«Валюталар курслари фарқидан зарарлар»
|
28 269,05 евро сотиб олиш учун корхона 28 269,05 х 1,1830 ҳисобидан $33 442,29 сарфлади. Ушбу операция учун қўлланган кросс-курс АҚШ долларининг еврога нисбатан МБнинг кросс-курсидан фарқланади. У 1,1778 га (9 531,94 / 8 093) тенг. Бинобарин, евро сотиб олишда ташкилотда молиявий фаолиятдан зарар юзага келади.
Евро сотиб олинаётганда бухгалтерия проводкалари:
|
Сана
|
Хўжалик операциясининг мазмуни
|
Дебет
|
Кредит
|
|
15.12.2017 й.
|
Евро сотиб олиш учун махсус счётга АҚШ доллари ($33 442,29) ўтказилди, бу МБ курси бўйича эквивалентда 270 648 452,97 сўмга тенг (33 442,29 х 8 093)
|
5500-«Банкдаги махсус счётлардаги пул маблағлари»
|
5210-«Мамлакат ичидаги валюта счётлари» (АҚШ доллари)
|
|
15.12.2017 й.
|
28 269,05 евро сотиб олинди, бу МБ курси бўйича эквивалентда 269 458 888,46 сўмга тенг (28 269,05 х 9 531,94)
|
5220-«Чет элдаги валюта счётлари» (евро)
|
5500-«Банкдаги махсус счётлардаги пул маблағлари»
|
|
15.12.2017 й.
|
МБ курсидан фарқланадиган кросс-курси (33 442,29 х 8 093 – 28 269,05 х 9 531,94) қўлланиши муносабати билан курс фарқи – 1 189 564,51 сўм
|
9620-«Валюталар курслари фарқидан зарарлар»
|
Надежда ГУШЧИНА, «Norma» МЧЖ эксперти.
