Муддатли шартнома бўйича – асосий ходим болани парваришлаш учун таътилга чиққан вақтга – ишга қабул қилганда синов муддати белгиланиши мумкинми?
Н.Ашрапова,
ходимлар бўйича менежер.
Тошкент шаҳри.
– Уч ойдан ошмайдиган дастлабки синов муддатини (Меҳнат кодекси (МК)нинг 85-моддаси) номуайян ҳамда муайян муддатга (муддатли меҳнат шартномасида) меҳнат шартномасини тузиш чоғида белгилаш мумкин.
Бундан фақат 6 ойгача муддатга тузиладиган муддатли меҳнат шартномалари мустасно. Ишга қабул қилинувчи ишга қабул қилиш чоғида синов белгиланмайдиган ходимлар доирасига кирган тақдирда ҳам муддатли шартнома тузиш мумкин эмас. У МК 84-моддасининг учинчи қисми билан белгиланган: ҳомиладор аёллар, 3 ёшга тўлмаган боласи бор аёллар, корхона учун белгиланган минимал иш жойлари ҳисобидан ишга юборилган шахслар ишга қабул қилинганда, шунингдек 6 ойгача муддатга ишга қабул қилиш ҳақида ходимлар билан меҳнат шартномаси тузилганда дастлабки синов белгиланмайди.
МК 84-моддасининг мазмунидан келиб чиқадики, 6 ойдан кўп муддатга меҳнат шартномаси тузган шахслар учун синов муддатини белгилашга тақиқ қонун ҳужжатларида кўрсатилмаган. Бинобарин, бундай ходимга синов белгиланиши мумкин.
Абдусалом РИСҚУЛЛАЕВ, эксперт-юристимиз.
